Fjármálaráðstefna sveitarfélaga

Fjármálaráðstefnu sveitarfélaga, sem haldin var á Nordica hótel í Reykjavík, lauk um miðjan dag í dag. Alls voru um 450 sveitarstjórnarmenn, starfsmenn sveitarfélaga og aðrir gestir mættir til leiks, enda um mikilvægan málaflokk sveitarstjórnarmála að ræða.  

Landaður afli í Grundarfjarðarhöfn í Október 2004

Í töflunni hér að neðan má sjá yfirlit yfir landaðan afla eftir tegundum í Grundarfjarðarhöfn í október. Taflan sýnir samanburð á milli áranna 2003 og 2004. Heildarafli í október á þessu ári er 1.211.961 kg en var 1.327.566 kg í sama mánuði í fyrra.   Tegundir 2003 2004   Þorskur 248.479 232.498 kg Ýsa 284.330 361.156 kg Karfi 100.390 32.530 kg Steinbítur 5.080 67.521 kg Ufsi 46.057 20.401 kg Beitukóngur 59.350 42.145 kg Rækja 11.991 0 kg Langa 7.908 3.770 kg Keila 19.757 1.325 kg Gámafiskur 490.623 413.460 kg Aðrar tegundir 53.601 37.155 kg    1.327.566 1.211.961  

Fullur salur á Sodade

Sodade, heimildarmynd Daggar Mósesdóttur um Maríu Runólfsdóttur sem var ættleidd frá Grænhöfðaeyjum tveggja ára gömul og fór aftur, ásamt Dögg, til Grænhöfðaeyja rúmum 20 árum síðar til þess að hitta ættingja sína, var sýnd fyrir troðfullum sal í Sögumiðstöðinni í gærkvöldi. Þetta var önnur sýning myndarinnar af þremur á Rökkurdögum og því enn tækifæri til þess að sjá þessa skemmtilegu heimildarmynd.  

Ályktanir aðalfundar SSV

Aðalfundur Samtaka sveitarfélaga á Vesturlandi 2004 var haldinn í Stykkishólmi 27. október sl. Meðal annars var rætt um tekjuþróun og sameiningu sveitarfélaga. Hér er að finna ályktanir fundarins.

Söngvakvöld á Krákunni

Í gær, 29. október var söngvakvöld á Krákunni með Árna Johnsen. Eins og við var að búast skemmtu menn sér hið besta og tóku gestir ágætlega undir með Árna. Flestir rauluðu með en sumir tóku undir hátt og snjallt og fjölgaði í þeim hópi þegar leið á kvöldið eins og gengur.   Árni Johnsen

Opnun myndlistarsýningar leikskólabarna

Í gær var opnuð myndlistarsýning leikskólabarna á Kaffi 59. Það var fullt út að dyrum við opnunina. Fram kom við opnunina að leikskólabörn eru fjölhæfir listamenn bæði í söng og myndlist. Þeir sem líta inn á sýninguna komast að raun um að fjölbreytni er mikil þó ekki sé fylgt formlega neinum þekktum stefnum í listsköpuninni. Sýningin er sölusýning og verður opin næstu daga.   Leikskólabörn og kennarar fyrir utan Kaffi 59

Dagur unga fólksins

Athugið að "Dagur unga fólksins" sem auglýstur var laugardaginn 30. október í Vikublaðinu Þey, færist til laugardagsins 13. nóvember. Fylgist með hér á heimasíðunni. 

Frá Vatnsveitu Grundarfjarðar

Vatnstruflanir verða í kvöld í Sæbóli vegna vinnu við tengingar. Beðist er velvirðingar á þeim óþægindum sem framkvæmdirnar hafa óhjákvæmilega í för með sér. Verkstjóri 

Fullt í Sögumiðstöðinni

Troðfullt var í Sögumiðstöðinni á sýningu heimildarmyndar Daggar Mósesdóttur um Maríu Runólfsdóttur sem var ættleidd frá Grænhöfðaeyjum tveggja ára gömul. María fór svo aftur, ásamt Dögg, til Grænhöfðaeyja rúmum 20 árum síðar til þess að hitta ættingja sína. Þetta er mynd sem óhætt er að mæla með.  

Hvað er Green Globe?

Þótt fjallað hafi verið um vottunarsamtökin Green Globe 21 af og til, bæði í bæjarblöðum og dagblöðum, allt frá því að sveitarfélögin fimm á Snæfellsnesi ákváðu að leita eftir vottun frá þeim skýtur þessi spurning aftur og aftur upp kollinum. Viljum við því svara henni.