Fréttir & tilkynningar

Nú styttist í kvikmyndahátíðina Northern Waves sem haldin verður í FSN og víðar í Grundarfirði en dagskáin hefst kl. 17 á nk. föstudag. Aðstandandi hátíðarinnar hafur lagt á sig mikla vinnu og er dagskráin glæsileg en fyrir utan sjálfar bíómyndirnar verða

89. fundur bæjarstjórnar Grundarfjarðarbæjar verður haldinn mánudaginn 18. febrúar kl. 16.15 í samkomuhúsinu. Hér má sjá dagskrá fundarins.

Miðvikudaginn 5. febrúar var slysavarnardeildin Snæbjörg endurvakin. Fram kom á fundinum að síðasti formlegi fundur hafi verið árið 1992 og að samkvæmt félagatali Landsbjargar þá eru 82 félagar skráðir í deildina. Ákveðið var að halda aðalfund miðvikudaginn 5.mars og undirbúningsfund í kvöld 18. febrúar kl 20:30 Björgunarsveitarhúsinu. Fyrsta verk deildarinnar eftir endurvakninguna var að gefa leik-og grunnskólanemum endurskinsmerki. Var þeim vel tekið enda ekki alltaf hægt að velja sér endurskinsmerki með hauskúpum, kórónum, bílum eða draugum.   Við viljum hvetja sem flesta til að mæta á fundinn í kvöld. Ef einhver er með gögn frá fyrri starfsárum deildarinnar er alveg kjörið að mæta með þau á fundinn í kvöld.  

Sorpið verður hirt í dag og er fólk beðið að sýna tillitsemi og salta hjá sér.

Vátryggingafélag Íslands hf. hefur tekið að sér að slysatryggja öll börn að 18. ára aldri (0 - 17 ára) sem taka þátt í skipulögðu íþróttastarfi eða annarri skipulagðri starfsemi í Grundarfjarðarbæ.  Vátryggingin tekur til skipulagðrar starfsemi, t.d. íþróttaæfinga og keppni ásamt tilheyrandi ferðum innanlands á vegum viðkomandi félaga.  Tryggingin nær yfir margvíslega skipulagða starfsemi svo sem æfinga og keppni á vegum UMFG  og Snæfellings, æskulýðsstarfsemi kirkjunnar, starfs unglingadeildar björgunarsveitarinnar, mótórkrossæfinga, unglingastarfs Hesteigendafélagsins og fleira.  VÍS hf. mun veita þessa tryggingavernd án endurgjalds fyrir Grundarfjarðarbæ á samningstímanum.  Fulltrúar VÍS hf. munu í vor kynna þennan tryggingasamning og skilmála hans sérstaklega fyrir forsvarsmönnum þeirra félaga sem um ræðir.

Kóræfing eldri borgara sem hefur verið á miðvikudögum kl.17:30 hefur verið breytt og verður framvegis kl.17:15. 

Aðalfundur Ferðamálasamtaka Snæfellsness verður haldinn mánudaginn 18. febrúar n.k. kl. 14.00 að Gistihúsinu Langaholti, Görðum.   Nánari upplýsingar eru á heimasíðunni www.snaefellsnes.net

Hér getur þú séð aflatölur um landaðan afla í janúar 2008 

Árið 2007 voru innlit á heimasíðu Grundarfjarðarbæjar 143.651 alls.  Innlitin voru flest í 30. viku eða um 4.324, sem er vikan fyrir helgina Á góðri stund. Að meðaltali voru innlitin 2.763 í viku hverri. Síðuflettingar voru alls 396.819. Mest var um flettingar í vikunni fyrir Á góðri stund eða 14.923. Meðaltalið var 7.631 síðufletting í viku hverri. Nánari tölulegar upplýsingar má sjá hér fyrir neðan. Innlit Síðuflettingar

Ljósmyndari:  Sverrir Karlsson   Frétt af vef skessuhorns:   "Á sunnudag kom flutningaskip á vegum Nesskipa, Green Karmoy, til Grundafjarðar. Í það voru lestuð 1750 bretti af frosinni síld úr frystihótelinu Snæfrosti sem fara til Póllands og Litháen. Þetta var síðasti farmurinn af 6000 tonnum sem landað var á Grundarfirði í haust og geymd í Sæfrosti. Að sögn Þórðar Magnússonar framkvæmdastjóra Snæfrosts hefur verið full nýting á hótelinu frá því það var tekið í notkun í nóvembermánuði, en það tekur um 2400 tonn í geymslur.