Fréttir & tilkynningar

    Sautján starfsmenn Grundarfjarðarbæjar fengu viðurkenningu fyrir starfsaldur á árshátíð bæjarins í byrjun nóvember. Er þetta í fyrsta sinn sem slíkar viðurkenningar eru veittar hjá Grundarfjarðarbæ og því heilmikið að vinna upp.  

     Kvenfélagið Gleym mér ei og Lionsklúbbur Grundarfjarðar gáfu félagsmiðstöðinni Eden veglega gjöf á dögunum. Hólmfríður frá Lions og Hrafnhildur frá Gleym mér ei komu færandi hendi í grunnskólann með stóran flatskjá sem á eftir að nýtast vel í starfi félagsmiðstöðvarinnar næstu misserin.  

Bókun samstarfsnefndarinnar, sem samþykkt var á fundinum er svofelld:   Samstarfsnefnd um mögulega sameiningu sveitarfélaganna Grundarfjarðarbæjar, Helgafellssveitar og Stykkishólmsbæjar hefur aflað gagna og rætt um ýmsa þætti sem tengjast mögulegri sameiningu sveitarfélaganna.  Sveitarfélögin fengu ráðgjafafyrirtækið KPMG til þess að afla gagna og vinna skýrslu fyrir sameiningarnefndina og hefur hún verið kynnt fyrir sveitarstjórnum.   Í ljósi þessara gagna og niðurstöðu Jöfnunarsjóðs um framlög vegna sameiningarinnar sem byggja á núgildandi reglum sjóðsins telur nefndin ekki forsendur til að ná fram niðurstöðu í vinnuna þannig að hægt sé að kjósa um sameiningu fyrir sveitarstjórnarkosningar á næsta ári.   Nefndin leggur til að á vegum sveitarstjórnanna þriggja fari fram viðræður við ráðuneyti sveitarstjórnarmála þar sem gerð verði grein fyrir afstöðu sameiningarnefndarinnar.  Vísar nefndin einnig til skýrslu ráðuneytisins um stöðu og framtíð íslenskra sveitarfélaga frá september sl. þar sem m.a. er lagt til að ráðuneyti sveitarstjórnamála taki markvissari þátt í verkefninu um styrkingu sveitarstjórnarstigsins og fjárfesti í því.    F.h. samstarfsnefndarinnar Þorsteinn Steinsson Grundarfirði  

Þórir Bergmundsson  verður með móttöku á Heilsugæslunni Grundarfirði þriðjudaginn 28. nóvember n.k. Tekið er á móti tímapöntunum á Heilsugæslustöð Grundarfjarðar, í síma 432 1350   (ath. börn 2-18 ára þurfa tilvísun frá lækni)  

Mánudaginn 13. nóvember 2017 hefst Norræna bókasafnavikan í 21. skipti. Þá setjumst við niður og lesum upphátt sama bókmenntatexta á sama tíma á öllum Norðurlöndunum.       Upplestur hefst kl.17.30 í Sögumiðstöðinni. Lesið á sama tíma fyrir börn og fullorðna. Myndasýning.  

Sólvallarreitur - iðnaðarsvæði, tillaga að deiliskipulagi   Bæjarstjórn Grundarfjarðar samþykkti þann 1. nóvember 2017 að auglýsa tillögu að deiliskipulagi fyrir iðnaðarsvæði á lóð Grundarfjarðabæjar skv. 1. mgr. 41. gr. skipulagslaga nr. 123/2010   Sjá teikningu hér

RARIK fyrirhugar að leggja háspennustreng frá nýja tengivirki Landsnets sem er rétt ofan við iðnaðarsvæðið og skammt frá Kverná að spennistöð við Borgarbraut 2b (neðan við Arion banka húsið).  

Fundarboð 208. fundur bæjarstjórnar Grundarfjarðar verður haldinn miðvikudaginn 1. nóvember 2017, í Ráðhúsi Grundarfjarðar, kl. 16:30 .   Dagskrá:  

Kjörfundur vegna alþingiskosninga í Grundarfirði verður í Samkomuhúsi Grundarfjarðar laugardaginn 28. október 2017.   Kjörfundur stendur yfir frá kl. 09:00 til kl. 22:00.   Kjósendur þurfa að framvísa persónuskilríkjum.     Kjörstjórn Grundarfjarðar   

  Aðalsteinn Jósepsson tók við boltunum fyrir hönd UMFG og Grunnskóla Grundarfjarðar. Með honum er hluti af yngri hópi körfuboltaiðkenda hjá UMFG.   Í upphafi vetrar fékk Ungmennafélag Grundarfjarðar tuttugu körfubolta og Grunnskóli Grundarfjarðar fimm bolta að gjöf frá Körfuknattleikssambandi Íslands. Allir boltarnir eru plastboltar af gerðinni Spalding og merktir Dominos, sem er aðal styrktaraðili úrvalsdeildar karla og kvenna á Íslandi.