Fréttir & tilkynningar

DLA DZIECI I MŁODZIEżY   Pólsku barnabækurnar eru komnar. Við höfum þær í millisafnaláni. Látið pólska vini og starfsfólk vita sem fyrst.       

Með tilvísum til laga nr. 73/1952 um aðsetursskipti, er hér með vakin athygli á þeirri skyldu íbúa að tilkynna um aðsetursskipti. í síðasta lagi 30. nóvember 2008. Eyðublöð fást á bæjarskrifstofunni og einnig á vef Hagstofunnar, www.hagstofa.is. Athugið að þetta á við  bæði um flutning milli sveitarfélaga og innanbæjar. Atvinnurekendur eru jafnframt hvattir til að brýna fyrir fólki, sem þeir ráða til starfa, að tilkynna aðsetursskipti ef búseta þeirra er í Grundarfirði. Upplýsingar og aðstoð fást á bæjarskrifstofu Grundarfjarðarbæjar að Grundargötu 30 og þangað ber að skila tilkynningum um aðsetursskipti.

Velferðarvaktin í Grundarfirði    Myndaður hefur verið hópur fólks í Grundarfirði sem fær það hlutverk að vera á velferðarvakt í samfélaginu.   Czuwanie nad dobrobytem społecznym w Grundarfjörður   Powołana  została w Grundarfjörður grupa osób, których zadaniem jest czuwanie nad dobrobytem społeczeństwa.   Po dalsze informcje, kliknij meira...  

Keppendur, 8. ára og yngri   Héraðsmót HSH í frjálsum var haldið í Ólafsvík laugardagin 8 nóv.  Alls voru 32 keppendur frá UMFG á aldrinum 6 – 16 ára.  Mótið gekk vel fyrir sig og voru keppendur 8 ára og yngri búnir með sína keppni á klukkutíma og gátu þá sest  niður og borðað nestið sitt, því svona hörkukeppni útheimtir mikla orku.  Keppendurnir stóðu sig öll með afbrigðum vel og voru flestir í 11 ára og eldri sem fóru klifjaðir heim af verðlaunapeningum.  Að vanda vöktu krakkarnir okkar athygli fyrir að vera öll í eins keppnisbolum og hvað þau stóðu sig vel. KH.  

Forvarnardagurinn var haldinn í þriðja sinn þann 6. nóvember.  Nemendur í 9. bekk um allt land eru þátttakendur í forvarnardeginum.  Nemendur í 9. bekk Grunnskóla Grundarfjarðar létu ekki sitt eftir liggja og dagskráin byrjaði á því að Tómas Freyr Kristjánsson, fulltrúi Ungmennafélagsins, kom í heimsókn.  Hann afhenti nemendum upplýsingar um net-ratleik og gaf þeim penna.  Tómas Freyr spjallaði síðan við nemendur um það sem Ungmennafélagið hefur upp á að bjóða og nemendur spurðu hann spurninga.  Þar kom m.a. fram að mikill áhugi er meðal nemenda á að æfa handbolta.

Héraðsmót HSH í frjálsum verður haldið í Ólafsvík, laugardaginn 8. nóvember kl. 10.00. Keppt er í hefðbundnum greinum og er mótið fyrir alla aldursflokka. Hér má sjá nánari upplýsingar.

Næsti viðburður bókasafnsins er Norræna bókasafnavikan sem hefst 10. nóvember með upplestri við kertaljós og er þemað ástin til Norðurlandanna. Dagskráin hefst kl. sex, kl. 18:00. Bangsadagurinn. Fjölmörg börn og bangsar heimsóttu bókasafnið föstudaginn 24. okt. 

Sett hefur verið á fót nýtt samræmt þjónustu- og upplýsinganet vegna sérstakra aðstæðna á fjármálamarkaði sem felur í sér nýtt vefsvæði, upplýsingamiðstöð fyrir almenning, fyrirtæki og fjölmiðla og netspjall. Á hinu nýja þjónustuneti er að finna tengingar og helstu upplýsingar um stöðu mála og margvíslega upplýsingaþjónustu og ráðgjöf sem í boði er á vettvangi ráðuneyta og stofnana.  

Vakin er athygli á slæmri veðurspá fyrir kvöldið og næstu nótt.  Fólk er hvatt til þess að huga að lausum munum og öðru sem öruggara er að koma í skjól.