Fréttir & tilkynningar

  Litlu jólin voru haldin í leikskólanum í dag. Allir voru í hátíðarskapi og skemmtu sér við að syngja og dansa í kringum jólatréð. Stúfur, Skyrgámur og Stekkjastaur litu í heimsókn og færðu börnunum pakka. Hér finnast fleiri myndir.  

  Nýbakaðir Grundfirðingar komu saman í safnaðarheimilinu síðastliðinn fimmtudag. Börn fædd á árinu 2008 eru ellefu talsins og búist er við því tólfta nú rétt fyrir hátíðirnar.  

Á fundi bæjarstjórnar Grundarfjarðarbæjar þ. 11. desember sl. var samþykkt aðgerðaáætlun sem fylgir með fjárhagsáætlun fyrir árið 2009.  Tillaga að fjárhagsáætlun 2009 var til fyrri umræðu á sama fundi.  Aðgerðaáætlunin tekur til fjölmargra liða í rekstri sveitarfélagsins.  Ljóst er að rekstur næsta árs og e.t.v. næstu ára verður erfiðari en verið hefur undanfarin ár vegna þeirra þrenginga í efnahagslífi landsins sem framundan eru.  Aðgerðaáætlunina má skoða í heild sinni  hér. 

Nú stendur yfir í Samkaupum samkeppni í smíði piparkökuhúsa. Keppnin stendur til 18. desember og verða húsin til sýnis í versluninni. 

Litlu jólin verða í leikskólanum Sólvöllum á fimmtudaginn 11. desember klukkan 14:00. 

99. fundur bæjarstjórnar verður haldinn í samkomuhúsinu, fimmtudaginn 11. desember 2008, kl. 16.15.  Dagskrá fundarins má skoða hér.

  Björgunarsveitin Klakkur notaði tækifærið og gaf nýjum björgunarbát nafnið Reynir síðastliðið laugardagskvöld þegar Reynir S. Gústafsson hélt uppá 70 ára afmæli sitt, en hann varð sjötugur 1. des.

Byrjendablak kvenna sem hefur verið á miðvikudögum kl 19:50 fer í frí fram yfir áramót.   Stjórn UMFG

Bæjarráð Grundarfjarðarbæjar samþykkti á fundi sínum þ. 2. desember 2008 að á árinu 2009 verði greiddar húsaleigubætur í Grundarfjarðarbæ skv. ákvæðum reglugerðar nr. 118/2003 með síðari breytingum, um grunnfjárhæðir húsaleigubóta.   Þeim sem hafa sótt um og fengið húsaleigubætur á árinu 2008, er bent á eftirfarandi: Endurnýja þarf umsóknir í byrjun nýs árs, þ.e. í janúar 2009, ef viðkomandi óska eftir framhaldi á greiðslum húsaleigubóta.   Bæjarráð Grundarfjarðarbæjar.

Síðastliðinn laugardag var aðventubyrjun fagnað í Grundarfirði. Haldin var jólastund í miðbænum og kveikt var á jólatrénu. Margir mættu og skemmtu sér konunglega. Tónlistarskólinn var með tónlistaratriði, Sr. Aðalsteinn hélt ávarp og nokkrir jólasveinar litu við.