Fréttir & tilkynningar

Foreldrafélag grunnskólans vill minna foreldra og aðra forráðamenn á að athuga með búninga fyrir börn sín vegna skrúðgöngu á þrettándanum.

Skrifstofa Grundarfjarðarbæjar verður lokuð föstudaginn 2. janúar 2009.  Mánudaginn 5. janúar n.k. verður skrifstofan opin á venjulegum tíma þ.e. frá kl. 09.30 til 15.30.  Ef þörf er fyrir er hægt að ná í bæjarstjóra í síma 864-6573, skipulags- og byggingafulltrúa í síma 690-4343, verkstjóra áhaldahússins í síma 691-4343 og ráðsmann í síma 863-6619.

Á fundi bæjarráðs Grundarfjarðarbæjar þ. 22. desember sl. var samþykkt að ráða Matthildi S. Guðmundsdóttur í stöðu leikskólastjóra Leikskólans Sólvalla frá og með 1. janúar 2009.  Matthildur hefur starfað við leikskólann í fjölda ára og er öllum foreldrum og nemendum leikskólans að góðu kunn.  Matthildur hefur undanfarin ár starfað sem aðstoðarleikskólastjóri og hefur gegnt starfi leikskólastjóra á haustönninni 2008.  Matthildur tekur við þessari stöðu af Sigríði Herdísi Pálsdóttur sem hefur verið í launalausu leyfi undanfarna mánuði, en hefur nú sagt stöðu sinni lausri.  Matthildi er óskað til hamingju með nýja starfið.

Þeim tilmælum er bent til fólks sem eru með sorptunnur bundnar með spottum eða því um líku að festa tunnur eftir losun. Það eru einungis tunnur með þar til gerðum tunnufestingum sem eru festar aftur.

Jólaball verður í samkomuhúsinu sunnudaginn 28. desember frá klukkan 15.00 - 17.00. Gleðileg jól. Foreldrafélag Grunnskóla Grundarfjarðar.

Nýjar bækur og fróðleikur um jólin Opið til kl. 20:00 á Þorláksmessu.    Þetta er fjórða árið sem boðið er upp á óséðar bækur að láni fyrir jólin. Mörgum þykir gaman að fá óvænt lesefni í tilefni jólanna og hefur þetta verið vel þegið enda oft óvænt lesefni sem slæðist með. Hægt er að hringja og panta og sækja. Sjá forsíðu bókasafnsins.

  Litlu jólin voru haldin hátíðleg í grunnskólanum síðasliðinn föstudag. Þessi hátíðlega stund hófst á hugvekju Sr. Aðalsteins og síðan var dansað í kringum jólatréð. Að dansi loknum voru stofujól bekkjanna.  

  Þann 19. desember útskrifaði Fjölbrautarskóli Snæfellinga 22 nemendur, við hátíðlega athöfn á Sléttu, hátíðarsal skólans. Athöfnina hófu útskriftarneminn Hafþór Ingi Þorgrímsson,  Mattías Arnar Þorgrímsson og Sigmar Logi Hinriksson með flutningi lagsins „Ég sé þig kannski seinna“  sem hljómsveitin Á móti sól gaf út. Þá útskrifaði Guðbjörg Aðalbergsdóttir skólameistari 20 nýstúdenta og 2 vélstjóra. Sigrún Björk Sævarsdóttir  útskrifaðist á tveimur og hálfu ári og hlaut mörg verðlaun. Að lokum söng Sigrún Björk Sævarsdóttir nýstúdent  lagið Quando men vo‘  eftir Puccini við meðleik Lázló Petö. Að athöfn lokinni var gengið til kaffisamsætis í boði skólans.  

Skíðalyftan er opin til 16:00 í dag, laugardag, og í tilefni opnunar er gjaldfrjálst. Á morgun, sunnudag, er lyftan opin frá 11:00-16:00. Gjald: 300 Börn, 500 fullorðnir - tíu ferða kort til sölu með afslætti.   Börn þurfa að vera í fylgd með fullorðnum. Þeir sem vilja aðstoða skíðadeildina við rekstur skíðasvæðisins er bent á að hafa samband við Jón Pétur í síma 863-1718.   Skíðadeild UMFG

Fjárhagsáætlun Grundarfjarðarbæjar fyrir árið 2009 var samþykkt samhljóða á fundi bæjarstjórnar þ. 18. desember sl.  Fjárhagsáætlunin er í þetta sinn afgreidd með halla upp á tæpar 53 milljónir króna.  Tekjur bæjarins munu minnka á næsta ári frá því sem hefði átt að vera við eðlilegar aðstæður um 60 - 70 milljónir króna.  Fjármagnskostnaður hefur aukist verulega og sér ekki fyrir endann á því ef gengi krónunnar heldur áfram að falla og ef verðbólgan æðir áfram.  Þessi staða kallar óhjákvæmilega á það, að einhver niðurskurður verður á flestum sviðum.  Bæjarfulltrúar og nokkrir af embættismönnum bæjarins taka á sig beina kjaraskerðingu á bilinu 5 - 10%.  Draga þarf saman þjónustu í einhverjum mæli en þess var gætt að fara afar varlega í öllu sem lýtur að þörfum barna og