Fréttir & tilkynningar

Dagskrá:   Kl. 11:00 Hátíðarguðsþjónusta í Grundarfjarðarkirkju.             Organisti: Tómas Guðni Eggertsson             sr. Jón Ásgeir Sigurvinsson þjónar fyrir altari.   Kl. 12:30 Grundar- og Kvernárhlaup UMFG. Skráning við Kósý er frá 12:00 til 12:20.   Kl. 13:45 Andlitsmálning fyrir utan Kaffi 59.   Kl. 14:30 Skrúðganga frá Kaffi 59 með Trommusveit Snæfellsness í broddi fylkingar. Gengið verður upp í þríhyrning.   Kl. 15:00 Hátíðin sett             Ávarp fjallkonu             Sigríður Herdís Pálsdóttir flytur hátíðarræðu.             Ungir tónlistarmenn flytja nokkur lög.             Halldór Gylfason leikari skemmtir.             Kassaklifur í umsjón unglingadeildarinnar Pjakks.             Verðlaunaafhending fyrir Grundar- og Kvernárhlaup.   Kl 19:00 Diskótek í þríhyrningi fyrir yngstu kynslóðina.                         Kvenfélagið verður með kökubasar.             Ungmennafélagið verður með sölutjöld.  

  Fyrsta skemmtiferðaskip sumarsins í Grundarfirði "Arielle" kom á ytri höfnina kl. 07.00 í dag 12. júní í afar fallegu veðri.  Ekki er unnt að taka betur á móti erlendu ferðafólki sem fýsir að sjá landið og kynnast því en  með þeirri óviðjafnanlegu fjallasýn sem við blasir í Grundarfirði.   Hér má sjá fleiri myndir  

Von er á fyrsta skemmtiferðaskipi sumarsins í Grundarfjarðarhöfn á morgun þriðjudaginn 12. júní.  Skipið er "Arielle" sem er að stærð 23.200 tonn og 194 metra langt.  Arielle flytur 943 farþega og er með 412 manna áhöfn.  Þetta er fyrsta skemmtiferðaskipið af 10 sem áætlað er að komi við í Grundarfirði sumarið 2007.

82. fundur bæjarstjórnar Grundarfjarðar verður haldinn í samkomuhúsinu fimmtudaginn 14. júní 2007, kl. 16.15 og er öllum opinn. Sjá dagskrá og fundarboð með því að smella hér.   

Dagana 2.-5. júlí nk. mun vinnuskólinn bjóða uppá aðstoð í görðum hjá einstaklingum. Boðið verður uppá hreinsun beða, málun grindverka, gróðursetningu, ruslatínslu og aðra almenna garðvinnu þó ekki með vélum.

Listahátíðin Díónýsía, sem mun standa fyrir listviðburðum í litlum bæjum úti um allt land í sumar. Hátíðin er skipulögð af listaháskólanemum en hún er opin öllum. Listviðburðurinn Díónýsía verður dagana 9 til 19 júní, á eftirfarandi stöðum: Bolungarvík Borgarfjörður Eystri Djúpavík Hafnir Grundarfjörður Hofsós Siglufjörður Stöðvarfjörður   Hópurinn mun vera hér í Grundarfirði í vikunni og verður með listviðburði. Þátttakendur sem verða í Grundarfirði eru: Gunnar Guðjónsson, Myndlistamaður Friðrik Svanur Sigurðarson, hönnuður og myndlistarmaður Guðmundur Hallgrímsson, hönnuður og myndlistarmaður Erik Thomas Richard Hirt, myndlistarmaður, leikari Katrín Inga Jónsson, myndlistarkona, leikkona, rithöfundur

Fulltrúar úr stjórn og starfsmenn Orkuveitu Reykjavíkur komu á fund bæjarstjórnar fyrir nokkrum dögum.  Tilgangur heimsóknarinnar var að fara yfir núverandi stöðu varðandi nýtingu borhola í Berserkseyri til kyndingar í Grundarfirði.  Í sem stystu máli kom það fram, að holan hefur fengið sýrumeðferð og eftir er að prufudæla hana til þess að finna út hvað hún mun hugsanlega gefa mikið magn af vinnsluhæfu vatni.  Við fyrri prufudælingar hefur ekki náðst nægilegt magn svo það dugi fyrir þarfir byggðarinnar í Grundarfirði en vonir eru bundnar við að sýrumeðferðin hjálpi upp á það.  Það olli vandræðum við borunina í vetur að lega og halli sprungunnar var ekki sá sem vænst hafði verið og því fór borinn í gegn um hana miklu ofar en stefnt var að.  Að auki kom í ljós að aðeins

  Vináttufélag Grundafjarðar í Paimpol hefur komið upp heimasíðu um verkefni félagsins og kynningu á Grundarfirði.   Heimasíðan er enn sem komið er eingöngu á frönsku en félagið hefur hug á að hafa síðuna einnig á ensku.   Slóð heimasíðunnar er:  http://www.grundapol.fr 

Sá gleðilegi atburður stendur nú fyrir dyrum laugardaginn 9. júní n.k. að Sögumiðstöðin hefji starfsemi á ný.  Undirbúningur að opnuninni hefur staðið yfir um hríð.  Nokkrar endurbætur á aðstöðu, aðgengi og í Gestastofu hafa verið gerðar innanhúss.  Einnig stendur fyrir dyrum að endurbæta aðstöðuna á lóð Sögumiðstöðvarinnar.  Eyrbyggja - Sögumiðstöð er hjarta og kennileiti í miðkjarna bæjarins.  Starfsemi Sögumiðstöðvarinnar felst í rekstri upplýsingamiðstöðvar fyrir ferðamenn, rekstri Bæringsstofu og ljómyndasafns Bærings Cecilssonar, sögusýningu og í sumar er stefnt að opnun "Þórðarbúðar".  Þórðarbúð verður í minningu verslunar Þórðar Pálssonar sem hann rak í Grundarfirði fyrir nokkrum áratugum, m.a. með sælgæti leikföng og margt fleira.  Sögumiðstöðin verður opin daglega í sumar frá kl. 10 - 18.  Hér er grein eftir Björgu Ágústsdóttur um "nýtt upphaf" sögumiðstöðvar í Grundarfirði.

Námskeið um möguleika íslenskra fyrirtækja til að sækja um styrki úr evrópskum rannsókna- og þróunaráætlunum verður haldið þriðjudaginn 12. júní kl. 9-16. Innan 7. rammaáætlunar ESB eru undiráætlanir sérsniðnar að þörfum smærri fyrirtækja sem munu útdeila 467,5 milljörðum íslenskra króna í styrki á næstu árum. Fyrirlesari er Dr. Sigurður G. Bogason, framkvæmdastjóri MarkMar ehf. (www.markmar.is) en hann hefur mikla reynslu af styrkjáætlunum Evrópusambandsins bæði sem vísindafulltrúi hjá Framkvæmdastjórn ESB og umsækjandi styrkja. Námskeiðsgjald 20.000 krónur og innifalið er námskeiðsgögn, kaffi og hádegismatur. Skráning á netfangið rannis@rannis.is eða í síma 515 5800 í síðasta lagi föstudaginn 8. júní. Nánari dagskrá (PDF snið)