Fréttir & tilkynningar

Í kvöld, 24. maí kl. 20.30, verður Jón Ólafsson með tónleika í Grundarfjarðarkirkju. Miðaverð er 1500. Fjölmennum á frábæra tónleika.

Nú er tækifæri að skoða listaverk hjá skólanemendum í Grundarfirði.   Dagana 21.-24. maí hafa nemendur við Grunnskóla Grundarfjarðar unnið þemaverkefni undir yfirskriftinni "Fólkið í bænum". Afrakstur af þessari vinnu verður haldinn í íþróttahúsinu fimmtudaginn 24. maí frá kl. 16:00 til 18:00.   Sýning á verkum leikskólanemenda verður í Leikskólanum Sólvöllum frá kl:17:00-18:30. Leikskólanemendur syngja fyrir gesti kl: 17:40. Foreldrafélagið verður með kaffisölu Kjörið tækifæri að skoða vinnu nemenda á leik-og grunnskólaaldri. Allir velkomnir   Nemendur og starfsfólk Grunnskóla Grundarfjarðar og Leikskólans Sólvalla

Norska húsið í Stykkishólmi hefur sumarstarfsemi sína fimmtudaginn 24. maí 2007,  kl. 17.30 með því að Per Landrø og Vilde Høvik Røberg frá Norska sendiráðinu opna sýninguna “Af norskum rótum” Forsmíðuð katalóghús frá Strømmen Trævarefabrik 1884-1929 og norsk áhrif á íslenska byggingasögu.   Sýningin er opin daglega kl. 11.00-17.00 og stendur til 22. júlí 2007. 

  Opnuð hefur verið ný heimasíða www.island.is .  Ísland.is er upplýsinga- og þjónustuveita fyrir almenning með heildstæðum upplýsingum um þjónustu ríkis og sveitarfélaga. Þar verður hægt að finna hagnýtar upplýsingar um þá efnisflokka sem vefurinn nær til og fjölda tilvísana í efni og þjónustu sem finna má á vefjum ráðuneyta, stofnana og sveitarfélaga.

Bjartasti tími ársins er genginn í garð og við viljum hafa snyrtilega og fallega byggð í Grundarfirði sem er okkur öllum til sóma.   Dagana 21. - 25. maí verður hreinsunarátak í Grundarfirði.  Allir umráðamenn fasteigna og mannvirkja eru eindregið hvattir til þess að fjarlægja alla hluti sem hætt er að nota og eru ónýtir.  Starfsmenn áhaldahúss munu fara um bæinn og hirða rusl í sorppokum eða snyrtilega umbúið sem staðsett verður við lóðamörk.   Jarðvegsgámur hefur verið staðsettur á Gilóseyrum fyrir ofan íþróttavöllinn.  Þangað er hægt að fara með og losa gróðurúrganginn úr garðinum.  Aðgengi að gáminum er auðvelt og hægt er að sturta beint úr kerrum í hann.  Gámurinn er eingöngu ætlaður fyrir gróðurúrgang, vinsamlegast setjið ekki plastpoka eða annað óskylt efni í hann.

VÍSA bikarleiknum á móti ÍA sem átti að vera 24. mai hefur verið frestað og hann færður á annan í hvítasunnu 28. mai á Grundarfjarðarvelli kl 16:00. Breytingin er vegna breytingar á skólaferðalagi hjá Skagamönnum.    

  Ingibjörg Sumarliðadóttir þjálfari 5. fl kv þarf að láta af störfum sem umsjónarþjálfari 5. fl kvenna og við starfi hennar tekur Arnar Guðlaugsson. Arnar hættir sem umsjónarþjálfari 6.fl ka og Ejub tekur við þjálfun hans.  Formaður tenglaráðs í 5.fl kvenna verður því Elínrós Jónsdóttir ( mamma Maríu)  

  Það verður samæfing hjá 5. fl kv í Grundarfirði á annan í hvítasunnu 28. mai kl 19:00. Það verður önnur samæfing 29. mai, það verður tilkynnt á fyrri samæfingunni hvar og klukkan hvað  hún verður. ATHUGIÐ breytingu á leik sem vera átti 31. mai er FLÝTT til 30. mai. Leikirnir verða sem hér segir: 5. fl kv A-lið   Snæfellsnes - ÍA á Ólafsvíkurvelli kl 17:00 5. fl kv B-lið   Snæfellsnes - ÍA á Ólafsvíkurvelli kl 17:50 

Í Leikskólanum er unnið að þróunarverkefninu ,,Ég og leikskólinn minn" ferlimöppur til   að skapa markvisst upplýsingaflæði milli skóla og heimilis. Þetta verkefni hefur verið í gangi með árgangi 2002 og lýkur þegar sá árgangur hættir í leikskólanum 2008 og hefur þá vonandi fests í sessi. Sótt var um styrk  í þróunarsjóð leikskóla fyrir þetta verkefni þegar við byrjuðum með það 2004 og fengum við krónur 250 000 fyrir skólaárið 2004 -2005. Við sóttum aftur um 2006 og fengum úthlutað fyrir skólaárið 2006 -2007 krónur 350 000. allt er þegar þrennt er og var ákveðið að sækja um í þróunarsjóð einu sinni enn fyrir síðasta árið með verkefnið og fengum við úthlutað fyrir skólaárið 2007 - 2008 krónur 300.000. Hægt er að lesa um http://leikskoli.grundarfjordur.is/upplysingar.htm  

Eftir að hafa slegið lið Höfrungs frá Þingeyri út úr forkeppni Visabikarsins þá mætti lið Grundarfjarðar 3ju deildarliði Snæfells úr Stykkishólmi á Grundafjarðarvelli þann 17. maí síðastliðinn.   Nokkrar breytingar þurfti að gera á byrjunarliði Grundarfjarðar sökum meisla, veikinda og utanlandsferða leikmanna svo fátt eitt sé nefnt.  Liðið sem hóf leikinn var þannig skipað:  Davíð Hansson Wíum var markvörður og vaktina í vörninni stóðu þeir Jón Frímann Eiríksson, Kristinn Óli Hallsson, Aðalsteinn Jósepsson og Olgeir Pétursson.  Á miðjunni léku Haukur Tómasson, Daníel Freyr Gunnarsson, Hafliði G. Guðlaugsson og Karvel Steindór Pálmason en frammi voru Davíð Stefánsson og Valur Tómasson.  Á bekknum voru Tómas Freyr Kristjánsson, Haraldur Hallsteinsson, Baldur Már Vilhjálmsson, Bjartmar Pálmason og Rúnar Geirmundsson en um liðstjórn sá Arnar Guðlaugsson.