Fréttir & tilkynningar

                   Tveir leikir eru á Grundarfjarðarvelli í dag.   Kl 16:00   Snæfellsnes - ÍBV 5.fl kv C lið   Kl 20:00 Snæfellsnes - Haukar 3.fl ka Vísa bikarinn   Mætum öll á völlinn og hvetjum krakkana áfram til sigurs. Áfram Snæfellsnes!

Áhugahópur um ferðaþjónustu hefur skipulagt kynningardag þar sem Grundfirðingum er boðið að kynna sér það sem stendur til boða í verslun og þjónustu. Er þetta í fyrsta skipti sem slík kynning er haldin en líklega ekki það síðasta. Hafa hinir ýmsu aðilar ákveðið að bjóða fólki í heimsókn og margt skemmtilegt í boði.        

                  16. júní kl. 18:00   Sundmót UMFG ALLIR VELKOMINIR! (skráning á staðnum frá kl. 17:45-18:00)   17. júní kl. 12:30   Grundar- og Kvernárhlaup UMFG  Kvernárhlaup fyrir 11 ára og yngri. Grundarhlaup fyrir 12 ára og eldri. (Skráning við Kósý frá kl. 12:00-12:20)   kl. 13:45   Andlitsmálning fyrir utan Kaffi 59 kl. 14:30    Skrúðganga frá Kaffi 59 með trommusveit Snæfellsness í broddi fylkingar. Gengið verður inn í þríhyrning.   kl. 15:00    Hátíðin sett ·       Ávarp fjallkonu ·       Guðmundur bæjarstjóri flytur hátíðarræðu ·       Leikskólabörnin okkar flytja nokkur lög ·       Karen Gunnarsdóttir spilar á þverflautu ·       Verðlaunaafhendingar fyrir Grundar- Kvernárhlaup og sundmót UMFG ·       Súmóglíma. Fótboltaþjálfararnir og jaxlar með meiru! Addi og Tryggvi taka fyrstu glímuna. ·       Flóamarkaður á vegum félagsmiðstöðvarinnar Eden ·       Kvenfélagið verður með kökubasar Hoppukastalar fyrir börnin opna að dagskrá lokinni.   

  Undanfarnar vikur var haldið sundnámskeið fyrir börn sem fædd eru á árunum 2002 og 2003. Námskeiðið var 8  tímar og sóttu 22 börn það. Börnin stóðu sig öll eins og hetjur og urðu miklar framfarir hjá þeim á þessum stutta tíma. Inga Magný og Ásdís höfðu umsjón með þessu námskeiði og þakka þær fyrir gott námskeið.  Mynd

94. fundur bæjarstjórnar Grundarfjarðar verður haldinn fimmtudaginn 12. júní 2008 kl. 12.00 í samkomuhúsinu.  Fundarboð og dagskrá

Sunnudaginn 8. júní, tóku sveitarfélögin fimm á Snæfellsnesi og Þjóðgarðurinn Snæfellsjökull á móti skjölum til staðfestingar því að hafa hlotið umhverfisvottun frá Green Globe vottunarsamtökunum. Viðstaddir hátíðlega athöfn í Fjölbrautaskóla Snæfellinga í Grundarfirði voru m.a. forseti Íslands, Ólafur Ragnar Grímsson, forseti Alþingis og 1. þingmaður Norðvesturkjördæmis, Sturla Böðvarsson, þingmenn, sveitarstjórnafólk og fjöldi annarra gesta. Ísland getur þar með státað sig af því að vera fyrsta landið í Evrópu með umhverfisvottuð samfélög en fram til þessa hefur aðeins þremur öðrum samfélögum í heiminum tekist að ná vottun.

    Listasmiðja barna og unglinga var haldin á Snæfellsnesi í viðburðarviku Vesturlands dagana 23.-30. apríl. Þemað var Snæfellsjökull og var þetta sameiginlegt verkefni Snæfellsbæjar, Grundarfjarðarbæjar og Stykkishólms.  Í listasmiðjunni voru börn frá 1.- 7. bekk og var boðið upp á myndlist, leiklist, dans, ljósmyndun o.fl.  en þó mismunandi námskeið eftir bæjarfélögum.

Eins og flestum er kunnugt verður unglingalandsmót UMFÍ haldið hér í Grundarfirði 2009.  Þetta er viðamikið verkefni, en jafnframt mikil lyftistöng fyrir bæjarfélagið.  Búist er við allt að 10.000 manns á mótið og stefnt er að því að keppt verði í 10 keppnisgreinum. Aðstaða fyrir hinar ýmsu greinar er að miklu leiti til staðar í bæjarfélaginu, en þó er eitt og annað sem vantar en reynt er að stilla til hófs í stórframkvæmdum. Undirbúningur hefur gengið vel og þær framkvæmdir sem liggur mest á eru komnar vel á leið. 

  Forseti Íslands, hr. Ólafur Ragnar Grímsson, mun heimsækja Grundarfjörð sunnudaginn 8. júní. Tilefnið er afhending viðurkenningar vegna Green Globe vottunar sveitarfélaganna á Snæfellsnesi. Athöfnin fer fram í Fjölbrautaskóla Snæfellinga og hefst klukkan 14:30. Grundfirðingar eru hvattir til að taka hátíðlega á móti forsetanum með því að draga íslenska fánann að húni.

Eins og margir hafa sjálfsagt veitt athygli eru komin tæki og tól inn í bæinn vegna malbikunar gatna og fleiri svæða á næstu dögum.  Ekki verður hjá því komist að íbúar verði varir við þessar framkvæmdir og e.t.v. þarf að þrengja lítillega að umferð tímabundið á einstaka stað á meðan framkvæmdir standa yfir.  Takmarkið er að gera gatnakerfið sem best úr garði og yfirbragð bæjarins gott.  Vonast er til þess að íbúar sýni framkvæmdunum skilning og þolinmæði, þetta mun ekki standa yfir í langan tíma.  Athugið að enn er tækifæri til þess að koma á framfæri ósk um malbikun innkeyrsla eða bílastæða, en það verður aðeins í 1 - 2 daga í viðbót.