Fréttir & tilkynningar

Vegna veðurs mun Tilraunalandið sem átti að vera við samkomuhúsið verða flutt upp í íþróttahús og verður þar frá rúmlega kl.12.00 til kl. 18.00, allir velkomnir að kíkja, engin aðgangseyrir 

Rúnar Geirmundsson varð evrópumeistari í kraftlyftingum núna á Akureyri 25 júní, og bætti íslandsmet í réttstöðulyftu um 22,5 kg, eða 182,5 kg. Honum tókst ekki að bæta íslandsmet í bekkpressu og í hnébeygju eins og hann stefndi á. það skiptir samt ekki máli þar sem að hann á íslandsmetin sjálfur fyrir. Rúnar var búinn að æfa mjög stíft í nokkra mánuði fyrir þetta mót. Hann tók mataræðið í gegn og léttist um 3 kíló og var ekki nema 64 kíló, semsagt tók næstum því þrefalda líkamsþyngd í réttstöðulyftu og fékk alveg helling af stigum, þar sem að úrstlitin ráðast af því hversu þungur þú ert á móti því hversu miklu þú lyftir. Þannig að hann ætlar að reyna að vera í -67,5 kg flokknum og taka 200 kíló í réttstöðulyftu í nóvember.  

Tilraunalandið verður í Grundarfirði miðvikudaginn 7. júlí 2010 við Samkomuhúsið frá kl. 12:00 til 18:00. Þar sem komið verður upp tveimur vögnum með fjörugum tilraunum. Um er að ræða samstarfsverkefni Norræna hússins, Háskóla Íslands og Landsvirkjunar. Markmið sýningarinnar er að kynna og kanna undraheima vísindanna, veita innblástur og vekja forvitni. Allir velkomnir, enginn aðgangseyrir.   Sjá nánar kynningu á sýningunni.

Vegna sumarleyfa verður opnunartími bæjarskrifstofu frá 09:30 - 12:30 frá og með mánudeginum 5. júlí til og með föstudagsins 30. júlí 2010.    

Þrjátíu og sex umsóknir bárust um starf bæjarstjóra Grundarfjarðarbæjar, en tveir umsækjendur drógu umsókn til baka þar sem ekki var hægt að gæta nafnleyndar.   Andrés Sigurvinsson, verkefnisstjóri, Árborg Atli Már Ingólfsson, lögfræðingur, Hafnarfirði Áki Brynjar Gestsson, byggingariðnfræðingur, Kópavogi Ásgeir Magnússon, forstöðumaður, Akureyri Björg Bára Halldórsdóttir, fv. framkvæmdarstjóri, Snæfellsbæ Björn Rúriksson, ljósmyndari, Árborg Björn Steinar Pálmason, viðskiptafræðingur, Kópavogi Brynjar Sindri Sigurðsson, rekstrarráðgjafi, Reykjavík Einar Kristján Jónsson, viðskiptafræðingur, Kópavogi Einar Mar Þórðarson, stjórnmálafræðingur, Reykjavík Eygló Kristjánsdóttir, viðskiptafræðingur, Reykhólahreppi Georg Gísli Andersen, framkvæmdastjóri, Mosfellsbæ Guðmundur Einar Jónsson, viðskiptafræðingur, Kópavogi Guðmundur Jóhannsson, rafvirkjameistari, Akureyri Guðrún Svana Pétursdóttir, skrifstofumaður, Stykkishólmi Gunnar Björnsson, viðskiptafræðingur, Reykjavík Jón Hrói Finnsson, þróunarstjóri, Ólafsfirði Kjartan Þór Ragnarsson, lögfræðingur, Reykjavík Kristján Kristjánsson, verkefnastjóri, Mosfellsbæ Magnús Guðjónsson, fv. framkvæmdastjóri, Kópavogi Óskar Baldursson, viðskiptafræðingur, Garðabæ Pálína Kristinsdóttir, fv. framkvæmdastjóri, Garðabæ Ragnar Jörundsson, bæjarstjóri, Patreksfirði Rúnar F. Árnason, rekstrarráðgjafi, Keflavík Sif Jónsdóttir, viðskiptafræðingur, Reykjavík Sigríður Finsen, hagfræðingur, Grundarfirði SigurðurSigurðsson, byggingar- og stjórnunarverkfræðingur, Garðabæ Stefán Egill Þorvarðarson, Reykjavík Svavar Jósefsson, framkvæmdastjóri, Reykjavík Sveinn Pálsson, sveitarstjóri, Vík í Mýrdal Tómas Logi Hallgrímsson, sjómaður, Grundarfirði Valtýr Sigurbjarnarson, landfræðingur, Akureyri Vilhjálmur Wiium, hagfræðingur, Reykjavík Þorsteinn Fr. Sigurðsson, rekstrarhagfræðingur, Garðabæ  

  Þau Adam, Embla, Svanhildur og Elva (Elvu vantar á myndina) söfnuðu 2.526 kr. með því að halda tombólu til að safna fyrir vatnsrennibraut fyrir sundlaugina, er þeim hér með þakkað fyrir dugnaðinn.  

Áslaug Karen Jóhannsdóttir hélt hátíðarræðu við 17. júní hátíðahöldin í Grundarfirði.  Áslaug Karen, sem er Grundfirðingur, útskrifaðist í vor sem fjölmiðlafræðingur frá Háskólanum á Akureyri.  Ræðan vakti athygli viðstaddra og var gerður góður rómur að henni.  Hér er hægt að lesa ræðuna í heild.

123. fundur bæjarstjórnar Grundarfjarðarbæjar verður haldinn í Grunnskóla Grundarfjarðar, fimmtudaginn 24. júní 2010, kl.16.30. Fundir bæjarstjórnar eru opnir og eru allir velkomnir að koma og hlýða á það sem fram fer.

Árlegt kvennahlaup ÍSÍ var haldið laugardaginn 19. júní kl. 11:00, en um 35 konur mættu til þess að hlaupa. Í ár var bæði boðið upp á ratleik og þær sem vildu gátu skokkað eða gengið. Ratleikurinn fólst í ýmsum þrautum s.s. húlla, sippa, skjóta í mark á sparkvellinum, teikna og fleira.

Þau Anna Halldóra Kjartansdóttir, Hrönn þorsteinsdóttir og Anton Ingi Kjartansson létur sitt ekki eftir liggja við að safna fyrir vatnsrennibraut fyrir sundlaugina og héldu tombólu. Þau söfnuðu 9.013 kr.  Er þeim hér með þakkað fyrir dugnaðinn.