Fréttir & tilkynningar

  Ljósmynd:Tómas Freyr Kristjánsson   Í U-17 ára landslið stúlkna voru valdar Aldís Ásgeirsdóttir, Svana Björk Steinarsdóttir og Anna Kara Eiríksdóttir úr UMFG. Þær fóru til Kettering í Englandi á dögunum og stóðu sig vel.   Aldís Ásgeirsdóttir uppspilari og fyrirliði UMFG kvenna í blaki var einnig valin í U-19 ára landslið stúlkna og fór hún til Ikast í Danmörku að keppa á dögunum.   Við óskum þessum duglegu stúlkum hjartanlega til hamingju. Grundfirðingar geta verið stoltir af þessum efnilegu stúlkum.   Þess má geta að lið UMFG kvenna er í 2 sæti í 1.deild með 10 stig, eftir 5 leiki, sem er glæsilegur árangur. 1. sæti Afturelding B 13 stig, eftir 5 leiki.2. sætir UMFG 10 stig, eftir 5 leiki.3. sæti HK B 9 stig, eftir 5 leiki. Áfram UMFG   Næsti heimaleikur UMFG kvenna í blaki verður 4. desember. FYLLUM ÍÞRÓTTAHÚSIÐ!   Þjálfarar UMFG kvenna í blaki: Guðrún Jóna Jósepsdóttir Anna María Reynisdóttir  

Í tilefni af Degi íslenskrar tungu var nýtt bókasafn formlega opnað í Grunnskóla Grundarfjarðar. Nemendur úr öllum bekkjum komu á safnið og fögnuðu því að nú geta allir notið þess að taka sér bækur og eiga notalega stund við lestur og nám. Sunna Njálsdóttir forstöðumaður bóksafns Grundarfjarðar notaði tækifærið og tilkynnti hverjir hefðu verið dregnir út í vali á bestu barnabókunum ársins 2013 í Grundarfirði. Dregið var úr innsendum seðlum og fengu Daniel Emmanuel K. Kwakye í fyrsta bekk og Anita Sól Valdimarsdóttir í 6. bekk glaðning fyrir þátttöku. Þakkaði hún öllum sem tóku þátt. 

Vinahúsið á afmæli miðvikudaginn 19. nóvember. Í tilefni dagsins verður opið hús í Sögumiðstöðinni frá kl.16-18. Kynning á starfsemi Vinahússins í Bæringsstofu. Kaffi, gos og veitingar.   Verið hjarnalega velkomin.   Vinahúsateymið Rauði krossinn Grundarfirði.  

  Val á bestu barnabókunum í Grundarfirði var kynnt á nýju bókasafni í Grunnskóla Grundarfjarðar í morgun. Dregið var úr innsendum seðlum og fengu Daniel Emmanuel K. Kwakye í fyrsta bekk og Anita Sól Valdimarsdóttir í 6. bekk glaðning fyrir þátttöku í vali bestu bókar ársins 2013. Öllum sem tóku þátt er þakkað fyrir góða þátttöku. Sjá fréttatilkynningu.

Við minnum hundaeigendur vinsamlega á að hirða upp hundaskít eftir sína hunda.   Hreinn bær = betri bær!  

Guðrún Guðmundsdóttir augnlæknir verður með móttöku á heilsugæslustöðinni miðvikudaginn 26. nóvember.   þórir Bergmundsson háls,- nef og eyrnalæknir verður með móttöku á Heilsugæslunni Grundarfirði 5. desember.    

Grundarfjarðarbær óskar eftir að ráða sem fyrst starfsmann til að sinna ræstingu á einni af húseignum bæjarins. Um er að ræða 2 klst. á viku. Vinnutími er sveigjanlegur.   Launakjör eru samkvæmt kjarasamningi Sambands íslenskra sveitarfélaga og Starfsmannafélags Dala- og Snæfellsness (SDS).   Nánari upplýsingar eru veittar á bæjarskrifstofu í síma 430 8500 eða á netfangi grundarfjordur@grundarfjordur.is   Umsóknarfrestur er til 20. nóvember nk.   Umsóknareyðublað  

Grundarfjarðarbær hefur til leigu 3ja herbergja íbúð í parhúsi. Íbúðin er 90 ferm. og er laus frá 1. desember nk.   Nánari upplýsingar eru veittar á bæjarskrifstofu í síma 430 8500 eða með því að senda tölvupóst á netfangið grundarfjordur@grundarfjordur.is   Umsóknarfrestur er til 20 nóvember 2014.  

Sjá nánar hér.