Fréttir & tilkynningar

Grundarfjarðarbær auglýsir eftir baðverði í kvennaklefa Íþróttahúss Grundarfjarðar til að sinna baðvörslu og þrifum. Vinnutími er frá kl. 15:50 mánudaga til fimmtudaga og aðra hverja helgi. Nánari upplýsingar um starfið veitir Aðalsteinn Jósepsson, forstöðumaður íþróttamannvirkja í síma 430 8564 og 861 2576 eða á netfangi steini@gfb.is    

Björgvin Sigurbjörnsson aðstoðarskólastjóri og Sigurður Gísli Guðjónsson tóku við blómvöndum úr hendi bæjarstjóra við skólasetninguna   Nýir skólastjórnendur Grunnskóla Grundarfjarðar settu nýtt skólaár í dag að viðstöddum fjölda nemenda, kennara og foreldra. Sigurður Gísli Guðjónsson situr nú sinn fyrsta vetur sem skólastjóri grunnskólans og lagði línurnar fyrir veturinn við setningu skólans í dag. Það var síðan nýr aðstoðarskólastjóri, Björgvin Sigurbjörnsson sem setti skólann formlega.    

Guðrún Guðmundsdóttir augnlæknir verður með móttöku á HVE Grundarfirði fimmtudaginn 27. ágúst n.k. Tekið er á móti tímapöntunum á Heilsugæslustöð Grundarfjarðar,  sími 432 1350  

 Grundarfjarðarbær auglýsir starfskipulags- og byggingarfulltrúa laust til umsóknar. Um er að ræða mjög spennandi starf í áhugaverðu samfélagi.     Leitað er eftir öflugum og metnaðarfullum einstaklingi sem er reiðubúinn að þróa starfið á traustum grunni.   Byggingarfulltrúi ber m.a. ábyrgð á skráningu mannvirkja, úttektum, staðfestingu eignaskiptayfirlýsinga, gjaldtöku, skráningu, varðveislu og miðlun upplýsinga um mannvirki til íbúa.  Um er að ræða 100% starf og er umsóknarfrestur til og með 3. september nk.  

Sundlaug Grundarfjarðar tilkynnir að sumaropnunin lýkur á sunnudaginn 23. ágúst. En við ætlum að hafa opið á virkum dögum frá 7-8 og 16-19, á meðan skólasundið er enn í gangi.   Um að gera að nýta tækifærið og skella sér í sund.  

    Ragnheiður Elín Árnadóttir, iðnaðar- og viðskiptaráðherra heimsótti Grundarfjörð í gær og skoðaði ferðamannastaði, heimsótti ferðaþjónustuaðila á svæðinu og kynnti sér nýsköpun í bænum.  

  Grundarfjörður ásamt Reykjavík, Ísafirði, Akureyri, Eskifirði og Vestmannaeyjum hlaut kaupstaðarréttindi 18. ágúst 1786. Mynd Collingwood frá 1897.  

Þórir Bergmundsson, háls-, nef- og eyrnalæknir verður með stofu hjá HVE Grundarfirði næstkomandi föstudag, 14. ágúst. Tímapantanir eru í síma 432-1350 frá kl 9-12 og 13-16.   

Laus er staða organista og kórstjóra við Grundarfjarðarkirkju frá og með 1. september  

Friðarhlaupið fer fram á Íslandi þessa dagana. Friðarhlaupið er alþjóðlegt kyndilboðhlaup sem hefur þann tilgang að efla frið, vináttu og skilning á milli manna og menningarheima. Þetta er í 10 skiptið sem hlaupið fer fram á Íslandi. Björg Hermannsdóttir tók þátt í hlaupinu fyrir hönd bæjarins og hljóp með kyndilinn frá Grund að Sögumiðstöðinni í boðhlaupi með örðum hlaupurúm víðsvegar að úr heiminum. Nánari upplýsingar um hlaupið er að finna hér.