Fréttir & tilkynningar

Karate hjá 1-5. bekk verður klst. seinna í dag, föstudaginn 13. maí, eða frá 18:40-19:40 v/tónleika tónlistarskólans. Vinsamlegast látið þetta berast. Síðasta æfing vetrar verður nk. miðvikudag 18.maí og vonandi verður svo próf frá kl. 18:00 fimmtudaginn 19. maí. Verið dugleg að mæta á þessar síðustu æfingar fyrir próf !kv. Dagný Ósk, þjálfari  

Á íbúafundinum sem hefst kl. 20 í kvöld verður kynning frá Íslenska gámafélaginu, um fyrirkomulag á þriggja tunnu sorpflokkun.  Tunnur og fötur verða til sýnis og einnig sýnir Suða tunnufestingar. Björg Ágústsdóttir, ráðgjafi hjá Alta, kynnir hugmynd um Svæðisgarð á Snæfellsnesi, sem unnið er að. Einnig verður staða og helstu mál hjá bænum kynnt. Tónlistarskólinn gleður eyrun og eitthvað verður til að gleðja munn og maga. Fundarstjóri verður Jón Eggert Bragason, skólameistari FSN.   Allir velkomnir!  

Miðvikudagskvöldið 11. maí býður bæjarstjórn Grundarfjarðarbæjar til íbúafundar í Samkomuhúsinu kl. 20:00. Fundurinn er upplýsinga- og samræðufundur. Fjallað verður um þriggja tunnu sorpflokkun, svæðisgarð á Snæfellsnesi, Samstarf sveitarfélaganna á Snæfellsnesi, breytingar á skólamálum, framkvæmdir í sumar og fleira. Sjá dagskrá hér.   Kaffiveitingar og atriði frá Tónlistarskólanum   Láttu þig málin varða! Sjáumst á miðvikudaginn.   Bæjarstjórn  

137. fundur bæjarstjórnar Grundarfjarðar verður haldinn fimmtudaginn 12. maí 2011, kl. 16:30 í Samkomuhúsinu. Fundir bæjarstjórnar eru opnir og er öllum velkomið að koma og hlýða á það sem fram fer.  

Garðyrkjuvakt Kvenfélagsins Gleym mér ei  beinir því til íbúa sem hafa áhuga á að rækta matjurtir í sumar að hafa samband við starfsmenn Kvíabryggju í síma 438-6827.

Skólaslit og vortónleikar tónlistarskólans verða í sal fjölbrautaskólans föstudaginn 13.maí kl.17.00. Allir velkomnir.  

Grundfirðingurinn Rúnar Geirmundsson gerði sér lítið fyrir og setti sex Íslandsmet á móti Kraftlyftingasambandsins RAW um síðustu helgi. Ekki lét kappinn þar staðar numið  heldur jafnaði heimsmet í réttstöðulyftu og sló heimsmet í hnébeygju. 

Menningar- og tómstundanefnd Grundarfjarðar auglýsir eftir áhugasömum einstaklingum til að taka að sér umsjón með leikjanámskeiði fyrir börn í sumar. Einnig er auglýst eftir aðilum sem vilja vera með önnur spennandi og skemmtileg námskeið. Þeir sem hafa áhuga geta haft samband við formann nefndarinnar (847-1739 / torbjorg@grundarfjordur.is ).   Menningar- og tómstundanefnd  

Guðrún Guðmundsdóttir augnlæknir verður með móttöku á HVE Grundarfirði fimmtudaginn 12. maí  n.k.Tekið er á móti tímapöntunum á Heilsugæslustöð Grundarfjarðar, sími 432 1350  

Fimmtudaginn 12. maí 2011 kl. 20:00. Allir velkomnir. Sjá fundarboð.