Fréttir & tilkynningar

Kíkið á nýlega tækni og möguleika í rafrænum aðgangi.   Rafbækur -  Hljóðbækur Tímarit - Talgerfill Kvikmyndir -  You Tube  Bókasafn Grundarfjarðar

Sunnan við bæinn Eiði er Arnór Kristjánsson bóndi að gera all nýstárlega tilraun. Þannig hagar til að tjaldshjón hafa til nokkurra ára átt búsetu á malareyri sunnan við bæinn og um sjötíu metra frá sjónum. Þetta mun vera í a.m.k. þriðja eða fjórða skipti sem tjaldurinn verpir á sama stað. Undanfarin vor hefur hreiðrið ýmist farið á kaf á háflóði eða tófan stútað eggjunum í því og uppeldi tjaldshjónanna því misfarist.  

Fjölbrautaskóla Snæfellinga 20. maí 2011.  Útskriftarhátíð Fjölbrautaskóla Snæfellinga verður haldin föstudaginn 20. maí 2011 í hátíðarsal skólans í Grundarfirði. Hátíðin hefst kl.15:00 og að henni lokinni verða kaffiveitingar í boði skólans.   Allir velunnarar skólans eru velkomnir.                                                  Skólameistari  

Hafið er átak á vegum bæjarins til að handsama óskráða ketti. Auglýst verður eftir eigendum óskráðra katta á heimasíðu sveitarfélagsins og verða þeir aðeins afhentir gegn greiðslu leyfisgjalds og áfallins kostnaðar við handsömun. Óskráðum köttum sem ekki er vitjað innan 5 daga verður lógað. Kattaeigendur eru hvattir til að kynna sér samþykkt um kattahald í Grundarfirði.   Samþykkt um kattahald í Grundarfirði Gjaldskrá fyrir kattahald í Grundarfirði 

Hið árlega öldungamót Blaksambands Íslands var haldið í Vestmannaeyjum dagana 5. - 7. maí. Blakarar 30 ára og eldri eru löglegir keppendur á þessu móti.  Það voru um 1000 keppendur sem mættu til leiks og var það met þátttaka.  Alls var spilað í 6 karladeildum og 12 kvennadeildum. Blakdeild UMFG sendi 3 lið, 2 kvennalið og 1 karlalið. Kvennaliðin spiluðu í 4. deild og 9. deild en karlaliðið í 3. deild.

Mánudaginn 16. maí nk. kl. 20.00 verður efnt til íbúafundar um umhverfisvottun EarthCheck sem Grundarfjarðarbær hefur hlotið í samstarfi við hin sveitarfélögin á Snæfellsnesi. Á fundinum verður gerð grein fyrir vottunarverkefninu, hvað hefur áunnist síðustu ár og hver verkefni framtíðarinnar eru. Íbúar eru hvattir til þess að mæta og kynna sér málið og nýta sér um leið tækifærið til þess að koma á framfæri nýjum hugmyndum. Fundurinn verður haldinn í Samkomuhúsi Grundarfjarðar og hefst kl. 20.00 Allir velkomnir.   

  Bæjarstjórn Grundarfjarðar stóð fyrir opnum íbúafundi í Samkomuhúsinu síðastliðinn miðvikudag. Vel var mætt á fundinn og vildu talnaglöggir meina að yfir 70 manns hefðu verið á svæðinu.

Drög að nýrri samþykkt um hundahald í Grundarfjarðarbæ eru nú til vinnslu. Á íbúafundinum í vikunni voru þau lögð fram til kynningar og eru nú aðgengileg á vefnum. Mikilvægt er að fá athugasemdir og ábendingar íbúa við þessum drögum. Athugasemdir sendist fyrir 28. maí á netfangið grundarfjordur@grundarfjordur.is.   Drög að nýrri samÞykkt um hundahald Núverandi samþykkt um hundahald Samþykktir um hundahald og gjaldskrár fyrir hundahald í öðrum sveitarfélögum  

  Fulltrúi Kiwanishreyfingarinnar í Snæfellsbæ kom færandi hendi í Grunnskóla Grundarfjarðar og færði 1. og 2. bekk veglega hjálma að gjöf, bleika fyrir stúlkurnar og bláa fyrir drengina.  Nemendurnir voru himinlifandi yfir þessu enda má enginn vera á hjóli án þess að vera með hjálm. 

Starf skrifstofustjóra á bæjarskrifstofu Grundarfjarðar er laust til umsóknar.   Um er að ræða fjölbreytt og krefjandi starf. Skrifstofustjóri hefur m.a. umsjón með skrifstofuhaldi, starfsmannahaldi bæjarins, bókhaldi, gerð fjárhagsáætlana og uppgjörsvinnu. Hann undirbýr fundi bæjarstjórnar og bæjarráðs og ritar fundargerðir.  Hann hefur mikil samskipti við íbúa og vinnur að stefnumarkandi verkefnum með bæjarstjóra. Skrifstofustjóri er staðgengill bæjarstjóra.