Fréttir & tilkynningar

Aðalfundur Eyrbyggja 26. júlí 2003  kl 17:00 á Hóteli Framnesi í Grundarfirði.   1.                  Ársskýrsla Formaður félagsins, Gísli Karel Halldórsson, lagði fram ársskýrslu þar sem gerð var grein fyrir því helsta í störfum félagsins.  Engar athugasemdir voru gerðar við skýrsluna og var hún samþykkt samhljóða.   2.                  Ársreikningur                       Gjaldkeri félagsins, Áshildur Elva Kristjánsdóttir, lagði fram ársreikninga félagsins og voru þeir samþykktir athugasemdalaust.  

Skýrsla stjórnar.   Með þessum ársfundi lýkur fjórða starfsári Eyrbyggja. Síðasti ársfundur var ,,Á góðri stund í Grundarfirði” fyrir ári síðan. Í núverandi stjórn eru Elínbjörg Kristjánsdóttir, Gísli Karel Halldórsson, Guðlaugur Pálsson, Hermann Jóhannesson, Orri Árnason, Ásthildur E. Kristjánsdóttir og fyrst Hrönn Harðardóttir og síðar Hrafnhildur Pálsdóttir sem leysti Hrönn af vegna anna.   Að venju hefur stjórnin fundað reglulega einu sinni í mánuði og á þessu starfsári völdum við  fyrsta þriðjudag hvers mánaðar kl. 20. Mjög kröftugt starf var á síðasta ári hjá ýmsum vinnunefndum Eyrbyggja.  

Gámastöðin er opin í dag frá 16:30 til 18:00. Lokað laugardag, sunnudag og mánudag. 

Skemmtiferðaskipið Ocean Monarc kemur til hafnar hér í Grundarfirði í dag. Þetta er seinni koma skipsins, en það kom hingað þriðjudaginn 8.júlí sl. Skipið er mjög stórt og getur því ekki lagst upp að bryggju og því verða farþegar þess ferjaðir í land. Stoppið verður frekar stutt, en áætlaður komutími er kl. 12:00 og brottför kl. 19:00. Í tilefni komunnar verður knattspyrnuleikur á milli áhafnarinnar og liðs Grundfirðinga kl. 15:00.   Á sunnudaginn kemur til hafnar skemmtiferðaskiptið Hanseatic. Farþegar og áhöfn verða hvött til að taka þátt í dagskrá dagsins.  

Hátíðin “Á góðri stund í Grundarfirði” hefst í dag með afmælisdagskrá Bókasafns Grundarfjarðar kl: 15:00 í húsnæði bókasafnsins að Borgarbraut 16. Upplýsingar um þá dagskrá má sjá í bæjardagbókinni sl. mánudag.   Hin árlega grillveisla við Verslunina Tanga hefst kl: 16:00 og þar verður fjölbreytt skemmtidagskrá ásamt því sem gestir fá að gæða sér á ýmsum kræsingum.   Upplýsingar um helstu viðburði má nálgast á heimasíðu Grundarfjarðar.   Dagskrá hátíðarinnar verður seld við þjóðveginn inn í bæinn. Einnig verður hægt að nálgast hana  hjá Versluninni Tanga og í sölutjaldi Ungmennafélagsins á hafnarsvæðinu. 

Á næstkomandi föstudagkvöld verðurBæringsstofa, fyrsti áfanga Eyrbyggju – Sögumiðstöðvar í Grundarfirði, að Grundargötu 35, formlega opnuð og eru gestir Á góðri stund velkomnir að líta inn og hlýða á fjölbreytta dagskrá um helgina.   Bæringsstofaverður fullkominn ráðstefnu- og bíósalur þar sem gert er ráð fyrir að sýna ljósmyndir Bærings Cecilssonar og annarra á tjaldi, auk kvikmynda í náinni framtíð. Salurinn er búinn nýjustu tækni til þessara hluta. Í salnum verða sæti fyrir um 40 gesti í upphækkuðum bíóstólum.  

Spurst hefur verið fyrir um þá ákvörðun að bjóða dagskrá hátíðarinnar til sölu í stað ókeypis dreifingar eins og áður.   Þegar staðið er fyrir hátið sem þessari fellur ýmiss kostnaður til. Tekna þarf að afla með stykjum frá sveitarfélaginu, fyrirtækjum, álagningu á aðgöngumiða viðburða og beint frá gestum með sölu á vöru og þjónustu.   Bæjarbúar eru hvattir til að leggja sitt af mörkum við fjármögnun hátíðarinnar með því að taka vel á móti ungu sölufólki frá sunddeild Ungmennafélagsins og styðja í leiðinni þeirra starf með kaupum á dagskrá hátíðarinnar.   Eyþór Björnsson bæjarstjóri  

Í tilefni af áttatíu ára afmæli Bókasafns Grundarfjarðar er gestum hátíðarinnar Á góðri stund velkomið að skoða safnið föstudaginn 25. júlí n.k. Kynna sér sögu þess og skoða útsýnið af svölum hússins sem sagt er vera eitt hið fegursta úr nokkru húsi í Grundarfirði. Ennfremur mun Byggðasafn Snæfellinga og Hnappdæla taka við munum úr búi sr. Jens Hjaltalín til varðveislu. Athöfnin hefst kl. 15:00. 

Nú fer í hönd hátíðin ,,Á góðri stund í Grundarfirði” og eru því bæjarbúar hvattir til þess að taka til á lóðum sínum og koma rusli til gámastöðvarinnar. Helgina 19. og 20. júlí verður gámastöðin með lengri opnunartíma.   Laugardagurinn 19. júlí verður opið frá 10:00 til 17:00 Sunnudagurinn 20. júlí  verður opið frá 13:00 til 17:00   Eigendur númerslausra eða umhirðulausra bíla eru beðnir um að fjarlægja þá hið fyrsta svo ekki þurfi að koma til frekari aðgerða.   Notum þetta tækifæri til að taka til í kringum okkur!  

45. stjórnarfundar Eyrbyggja 9. júlí 2003  kl 20:00 Malarási 10 Reykjavík.   Viðstaddir: Elínbjörg Kristjánsdóttir, Gísli Karel Halldórsson, Guðlaugur Þór Pálsson, Hermann Jóhannesson, Orri Árnason.