Fréttir & tilkynningar

 Hér má sjá útvarpsdagskránna fyrir útvarp Grundafjörður

Á fundi bæjarráðs Grundarfjarðarbæjar í dag var samþykkt áskorun á ríkisstjórn og þingmenn að leggja tafarlaust fram tillögur sem miða að því að bæta raunhæft upp skerðingu tekna vegna skerðingar á veiðiheimildum.  Áskorunin er í fundargerðinni frá í dag og má nálgast hana í vinstri dálki heimasíðunnar (314. fundur bæjarráðs). 

  24. júlí 2007 Á föstudaginn klukkan 18 verður Þórðarbúð opnuð, en hún er ný viðbót við sýningu Sögumið-stöðvarinnar Eyrbyggju ,,Hvernig nútíminn varð til.“ Opnunin er hluti af hátíðinni Á góðri stund sem verður um helgina. Fyrirmyndin er verslun Þórðar Pálssonar sem var í Grundarfirði á sjöunda áratugnum. Þórðabúð var í raun sjoppa en breyttist í leikfangabúð á jólaföstunni og myndar Þórðarbúð því ramma um leikfangasafn Sögumiðstöðvarinnar. Kappkostað er að fanga andrúmsloftið sem myndaðist í búðinni á jólaföstunni þegar leikföng voru í hverri hillu. Nýja svæðið er kærkomin viðbót við fjölbreyttar sýningar miðstöðvarinnar og verður opið gestum frá og með laugardegi, sem hluti af sýningu Sögumiðstöðvarinnar.   Af vef Skessuhorns.

Guðmundur bæjarstjóri tekur við fyrsta eintakinu af geisladisknum    Við kynnum til sögunnar hátíðargeisladisk Grundarfjarðar, sem kemur út 23 júlí. Undirritaðir fórum af stað með hugmynd um að okkar framlag til hátíðarinnar gæti verið eitthvað tengt tónlist og úr varð að gera geisladisk þar sem að flestir þeir sem eru eitthvað að grúska við tónlist hér í Grundarfirði myndu taka þátt.

Hægt er að taka þátt í litasamkeppni útvarpsleikhúss rásar eitt á bókasafni Grundafjarðar.          

Útvarp Grundarfjarðar FM 104,7 fór í loftið í gær. Útvarpið verður starfrækt fram á laugardaginn 28. júlí nk. Í útvarpsráði sitja Eddi Málari (gula hverfið), Gústav Alex Gústavsson (rauða hverfið), Dagbjartur Harðarson Friðfinnur Níelsson (græna hverfið) og Emil Sigurðsson (bláa hverfið).  

 Í dag er rétt vika þangað til bæjarhátíð Grundarfjarðar hefst með miklu fjöri.  Reyndar hefst gleðin með skreytingu hverfanna á fimmtudagskvöldinu 26. júlí.  Hverfin eru í óða önn að undirbúa skreytingarnar og skrúðgöngurnar á laugardagskvöldinu og hvílir mikil leynd yfir því hvaða atriði þau verða með á bryggjuhátíðinni.  Nú er bara að gera allar græjur klárar og setja upp sparisvipinn. Sundlaugin í Grundarfirði

  Hópur frá Veraldarvinum er nú staddur í Grundarfirði.  Hópurinn mun sinna ýmsum sjálfboðaliðastörfum eins og t.d. að lagfæra göngustíga og ganga fjörur og hreinsa.  Hópurinn er hingað kominn í samstarfi við Grundarfjarðarbæ sem býður fólkinu gistingu og mat á meðan dvöl þeirra stendur.  Sjálfboðaliðarnir koma frá mörgum löndum og stefna á að kynna sig svolítið á bæjarhátíðinni sem verður eftir eina og hálfa viku. 

  19. júlí 2007 Málverkasýning Kristínar Ýr Pálmarsdóttur stendur nú yfir í Hótel Framnesi í Grundarfirði. Kristín Ýr segir í samtali við Skessuhorn að hún sé með 10 málverk til sýnis og séu þau öll máluð með olíu. “Þetta eru landslagsmyndir og myndir tengdar sjónum, enda á ég mínar rætur að rekja til Grundarfjarðar. Tenginginn við sjóinn og vinnsluna er þemað hjá mér en eins og allir vita eru þessar greinar megin undirstaðan í atvinnulífinu hér,” segir Kristín.  Sýningin er sett upp í tengslum við bæjarhátíðina “Á góðri stundu” sem fer fram í Grundarfirði helgina 27. til 29. júlí. Sýningin verður hinsvegar opin til 15 ágúst. Frétt á vef Skessuhorns 19. júlí 2007.    

  Í Sögumiðstöðinni verður haldin "sagnavaka" fimmtudagskvöldið, 19. júlí n.k.  kl.21:00.  Boðið verður upp á fjölbreytta dagskrá með sögum og söngvum.  Yfirskrift sagnavökunnar er "Á vit ævintýranna".  Ingi Hans og Sigurborg Kristín sem eru kunn fyrir sagnagleði koma fram eins og þeim einum er lagið og með þeim verður sérstakur gestur David Campbell sem kynntur er sem einn þekktasti sagnamaður Skota.