Fréttir & tilkynningar

Þann 28. febrúar sl. hélt bæjarstjórn opinn kynningarfund um fjárhagsáætlun 2006. Hægt er að skoða kynninguna með því að smella hér. 

Í dag kl. 12:00 voru opnuð tilboð í „blokkina“, Sæból 33-35. Sex tilboð bárust. Tilboðin voru eftirfarandi:   Þórður Magnússon, 42.000.000 Lárus Skúli Guðmundsson, 43.406.000 Magnús Óskarsson, Ólafur Björn Ólafsson, Barbara Paciejewska og Jolanta Glaz, 44.450.000 Guðmundur Runólfsson hf., 48.000.000 Landsmenn byggingaverktakar ehf., 49.115.000 Óli Jón Gunnarsson, f.h. óstofnaðs hlutafélags, 53.000.000  

Eftir er sporður þó af sé höfuð! Alls tóku 125 þátt í páskaspurningunni. 39% svöruðu rétt en 55% völdu „uggi“.

Jónas Pétur Bjarnason sem verið hefur verkstjóri í áhaldahúsi Grundarfjarðar sl. ár lét af störfum hjá Grundarfjarðarbæ þann 12. apríl sl.  Í hans stað hefur verið ráðinn Valgeir Þór Magnússon, en sjö umsækjendur voru um starfið.   Valgeir Magnússon, verkstjóri áhaldahúss   Valgeir er búsettur hér í Grundarfirði og hefur undanfarin ár starfað sem aðstoðarverkstjóri hjá Fisk-Seafood.   Valgeir hóf störf hjá Grundarfjarðarbæ í morgun og er hann boðinn velkominn til starfa. Jónasi eru þökkuð vel unnin störf.  

Sumardaginn fyrsta, þann 20. apríl  kl. 14.00 mun sýningin „Auður Austurlands“ opna í Norska húsinu í Stykkishólmi.   Á sýningunni eru fjölbreyttir munir unnir úr hráefni sem tengist Austurlandi þ.e. hreindýraskinni, hreindýrshorni og beini, lerki og líparíti.

Sundlaugin verður opin í dag frá klukkan 12 og eitthvað fram eftir degi, allt eftir aðsókn. Nú er um að gera að nýta góða veðrið og skella sér í sund.  

Grundarfjarðarvefurinn óskar öllum lesendum gleðilegrar páskahátíðar. Á morgun, skírdag, heldur blakdeild UMFG sitt árlega páskamót í íþróttahúsinu. Mótið hefst kl. 11 og er styrkt af Ragnari og Ásgeiri ehf. Laugardaginn 15. apríl verður hið árlega páskamót Hesteigendafélags Grundarfjarðar. Mótið hefst kl. 13 og að því loknu verður kaffisala í Fákaseli. Mótið er í boði Landsbanka Íslands.

Í Leikskólanum Sólvöllum vinna starfsmmenn þessa dagana að þróunarverkefninu „Ég og leikskólinn minn“. Útbúnar eru ferlimöppur til að skapa markvisst upplýsingaflæði milli skóla og heimilis. Þetta verkefni hefur verið í gangi hjá árgangi 2002 og lýkur þegar sá árgangur hættir í leikskólanum 2008 og hefur þá vonandi fests í sessi.

Gámastöðin verður opin laugardaginn 15. apríl frá kl. 10:00-12:00.   Verkstjóri 

Góð mæting hefur verið í vetur í frjálsar íþróttir og krakkarnir staðið sig vel á æfingum.  Þegar krakkarnir hafa verið að taka fyrir tilteknar greinar þá hefur verið endað á því að mæla árangur og hafa þær tölur verið hengdar upp á töflu frammi.  Gaman hefur verið að fylgjast með frá því í haust til dagsins í dag hvað krakkarnir eru að bæta sig, og í lok vetrar mun listin verða settur á netið.   Krakkar á frjálsíþróttaæfingu