Fréttir & tilkynningar

Firmakeppni Hesteigendafélags Grundarfjarðar var haldin laugardaginn 27. maí sl. Alls tóku um 45 fyrirtæki og einstaklingar þátt. Mótið fékk á sig alþjóðlegan blæ þar sem farþegar af skemmtiferðaskipi sem lá á firðinum komu og horfðu á.   Keppendur í unglingaflokki f.v.: Ástrós Eiðsdóttir, Saga Björk Jónsdóttir, Dagfríður Ósk Gunnarsdóttir, Þorsteinn Ragnarsson og Ingólfur Örn Kristjánsson 

Á laugardag kom fyrsta skemmtiferðaskip sumarsins til Grundarfjarðar. Það var Mona Lisa sem kom með um 400 farþega, mest Þjóðverja. Skipið var hér allan daginn og sáust margir farþegar rölta um bæinn, einkum eftir hádegið. Héðan fór skipið til Ísafjarðar.    

Á kjörskrá voru 631. Alls greiddu atkvæði 557 eða 88,27%. D listi Sjálfstæðisflokks hlaut 268 atkvæði og fær 4 fulltrúa í bæjarstjórn. L listi Samstöðu - lista fólksins hlaut 265 atkvæði og fær 3 fulltrúa í bæjarstjórn. Auðir seðlar voru 18 og ógildir seðlar voru 6. Nánari upplýsingar um úrslitin fást á kosningasíðu Ríkisútvarpsins.

Búið er að telja öll atkvæði við sveitarstjórnarkosningarnar í Grundarfirði. Alls greiddu atkvæði 557 eða 88,27%.   Atkvæði féllu þannig: D listi Sjálfstæðisflokks 268 atkvæði L listi Samstöðu - lista fólksins 265 atkvæði Auðir seðlar 18 Ógildir seðlar 6 

Búið er að telja öll kjörfundaratkvæði og hafa þau fallið þannig: D listi 209 atkvæði L listi 210 atkvæði Auðir seðlar og ógildir eru 18 Alls 437 atkvæði greidd á kjörfundi. Talning utankjörfundaratkvæða er hafin.

Þegar búið er að telja 413 atkvæði sem er 74,1%, hafa þau fallið þannig: D listi 201 atkvæði L listi 199 atkvæði Auðir seðlar eru 13  

Búið er að telja 337 atkvæði, sem er 60,5% atkvæða. Atkvæði hafa fallið þannig: D listi 180 atkvæði L listi 157 atkvæði  

Búið er að telja 224 atkvæði eða 40,2% atkvæða og hafa þau fallið þannig: D listi 124 atkvæði L listi 100 atkvæði

Búið er að telja 116 atkvæði (20,8%) og hafa þau fallið þannig: D listi 73 atkvæði L listi  43 atkvæði

Talning atkvæða var að hefjast og má búast við fyrstu tölum innan skamms.