Fréttir & tilkynningar

Frá og með mánudeginum 20. mars breytist opnunartími á bæjarskrifstofunni þannig að opið verður í hádeginu alla daga en lokað verður kl. 14 á föstudögum.   Bæjarskrifstofan verður því opin sem hér segir: Mánudaga til fimmtudaga kl. 9.30-15.30 og föstudaga kl. 9.30-14.00.   Skrifstofustjóri

Alltaf bætist eitthvað við á vefsíðu bókasafnsins í hverri viku. Ný kynning á málefni og vefsíðu og ýmsu sem er á döfinni er endurnýjað nokkrum sinnum í mánuði. Hér eru nokkur málefni sem komið hafa við sögu í bæjarfélaginu síðustu vikur.  

Skipulagshópur Grundarfjarðarbæjar boðar til opins kynningar- og umræðufundar um skipulagsmál í samkomuhúsinu miðvikudagskvöldið 15. mars n.k. kl. 20.00.    

Á fundi bæjarstjórnar Grundarfjarðar 9. mars sl. samþykkti bæjarstjórn að leita eftir því við Vegagerðina að árangur af verkefninu ,,hverfisvæn leið um Grundargötu" verði metinn, jafnframt því sem hugað verði að nauðsynlegum úrbótum/lagfæringum áður en fullnaðarfrágangur fer fram.  

Mynd: Mats Wibe Lund   Grundarfjarðarhöfn mun á næstu dögum taka þátt í kaupstefnu fyrir rekstraraðila skemmtiferðaskipa, en hún er haldin í Miami í Bandaríkjunum 13. til 16. mars n.k.   Grundarfjarðarhöfn hefur á undanförnum árum gert átak í að fjölga komum skemmtiferðaskipa og á síðustu 4 árum höfum við tekið á móti 35 skemmtiferðaskipum.  

Ágætu íbúar!   Eins og kunnugt er hafa sveitarfélögin á Snæfellsnesi sett sér sameiginlega umhverfisstefnu og verið í vottunarferli Green Globe 21. Þar er áhersla lögð á sjálfbæra þróun, en hún hefur verið skilgreind sem: ,,Þróun sem mætir þörfum samtímans án þess að stofna í voða möguleikum komandi kynslóða á að mæta sínum þörfum.”              

66. fundur bæjarstjórnar Grundarfjarðar verður haldinn fimmtud. 9. mars kl. 17.00 í samkomuhúsinu. Á dagskrá eru meðal annars fundargerðir nefnda og ráða, rekstraryfirlit jan-feb, tillaga í húsnæðismálum smíðakennslu grunnskóla, hverfisvæn leið um Grundargötu, tillaga félagsmálanefndar Snæfellinga um breytingar á reglum, breyting á samþykkt um fráveitu í Grundarfirði, breyting á gjaldskrá um gatnagerðargjöld, tvær tillögur um heimild til bæjarstjóra vegna sölu/kaupa á fasteignum og ýmis gögn til kynningar. Fundurinn er öllum opinn.   Bæjarstjóri   

Nokkur helstu sjávarútvegsfyrirtæki í Grundarfirði, Grundarfjarðarbær og Grundarfjarðarhöfn, hafa tekið höndum saman um verkefni þar sem ætlunin er að meta stöðu og mögulegar lausnir varðandi umhverfismál fyrirtækjanna. Meistaranemendur frá Alþjóðlegu umhverfisstofnuninni við Lundarháskóla eru nú á vorönninni að vinna verkefni með fyrirtækjunum og munu fjórir nemendur ásamt kennara vera í Grundarfirði í lok mars.  Sérstaklega er horft á fráveitumál og lífrænan úrgang frá sjávarútvegsfyrirtækjunum, m.t.t. mismunandi kosta.

71. Stjórnarfundur Eyrbyggja 7. mars 2006 kl. 20:00 að Dalvegi 4, Kópavogi.   Viðstaddir:  Hermann Jóhannesson, Guðlaugur Pálsson, Atli Már Ingólfsson, Ásthildur Kristjánsdóttir, Ásrún Jónsdóttir, Gíslína Ólafsdóttir.   Dagskrá: 1. Nýjir stjórnamenn settir inn í embætti. 2. Staða efnis í næstu bók. 3. Peninga- og markaðsmál. 4. Önnur mál.  

Þann 23. febrúar sl. hófst nám á vélstjórnarbraut 1. stigs við Fjölbrautaskóla Snæfellinga. Um 20 nemendur eru skráðir í námið víðs vegar af Snæfellsnesi. Fyrstu fögin sem kennd verða eru málmsuða og smíðar og koma kennarar frá Fjöltækniskóla Íslands til með að kenna þessa áfanga. Af vef Fsn.