Fréttir & tilkynningar

Breytingar urðu á akstursleiðum við grunnskólann sl. haust en helstu breytingar voru þær að vegur fyrir framan var færður lítið eitt til vesturs og eins hafa bílastæði verið færð til eða afmörkuð að nýju.  Vegurinn fyrir framan skólann skiptist nú upp í tvær leiðir sem afmarkað er með steinum til bráðabirgða. Þeir sem aka upp Borgarbraut og eiga leið að íþóttamannvirkjum, tónlistarskóla eða Ölkelduvegi, aka nú veginn sem er vestan megin á planinu (hægra megin við steinana). Á meðfylgjandi yfirlitsmynd er þessi akstursleið merkt með grönnum pílum.    

Stjórn Snæfells, félag smábátaeigenda á Snæfellsnesi hefur ákveðið að efna til opins fundar um sjávarútvegsmál. Fundurinn verður haldinn í Félagsheimilinu Klifi í Ólafsvík miðvikudaginn 26. janúar kl 20:00.   Á fundinum sem er öllum opinn verða flutt stutt erindi (10-15mín), að þeim loknum verða leyfðar fyrirspurnir til frummælenda úr sal.    Fundarstjóri verður Kristinn Jónasson bæjarstjóri Snæfellsbæjar   

5.flokkur kvenna spilar á íslandsmótinu innanhúss í Ólafsvík laugardaginn 22 janúar.  Mótið átti að vera á síðasta sunnudag en var frestað því Reykjarvíkurliðin sá sér ekki fært að mæta vegna veðurs. Mótið hefst kl 14:15 og tekur um 2 tíma. Endilega mætið á pallana og hvetjið stelpurnar okkar áfram.

Bæjarstjórn Grundarfjarðar hefur samþykkt tekjumörk til viðmiðunar við niðurfellingu fasteignaskatts af íbúðum elli- og örorkulífeyrisþega.   Miðað er við tekjur ársins 2003, þ.e.a.s. álagningu 2004, nema miklar breytingar hafi orðið á tekjum fólks á árinu 2004.  

  Æfingar fyrir þorrablótið ganga bara vel og lítur út fyrir að þetta verði þrusu skemmtun. Miðar verða seldir sunnudaginn 23.janúar og verður spennandi að sjá hver verður fyrstur á húninn heima hjá Önnu og  Dagbjarti. Meðfylgjandi mynd er tekin á æfingu, myndin er af þeim Jónu og Söndru Ósk og það fer ekkert á milli mála að eitthvað skemmtilegt er í gangi á sviðinu.   Ætlar þú ekki örugglega að mæta !   Þorrablótsnefndin  

52. fundur bæjarstjórnar Grundarfjarðar verður haldinn miðvikudaginn 19. janúar 2005 kl. 17.00 í samkomuhúsinu. Á dagskrá eru fundargerðir bæjarráðs, fræðslu- og menningarmálanefndar, umhverfisnefndar og hitaveitunefndar, síðari umræða um fjárhagsáætlun bæjarsjóðs og stofnana, tillögur um nýtingu tekjustofna, tillaga um merki fyrir Slökkvilið Grundarfjarðar, samningur um kaup Grundarfjarðarbæjar á eignarhluta ríkissjóðs í landi innan þéttbýlismarka Grundarfjarðar, vinabæjarheimsókn Grundfirðinga til Paimpol, erindi sýslumanns Snæfellinga umsögn um umsókn um veitingu leyfis til sölu gistingar í Suður-Bár auk ýmissa gagna til kynningar.   Bæjarstjóri  

Söfnunarfólk frá Neyðarhjálp úr norðri fékk góðar viðtökur þegar gengið var í hús í Grundarfirði í gærkvöldi. Þrátt fyrir að mjög margir væru búnir að gefa í söfnunina með því að hringja inn framlög þá náðist markmiðið  sem við settum okkur og rúmlega það. Myndarleg framlög komu frá félögum og fyrirtækjum auk þess sem einstaklingar gáfu. Góð stemming var í Krákunni þar sem tónlistarkennarar og fleiri fluttu lifandi tónlist og safnaðist þar góð upphæð með sölu á veitingum.           Alls söfnuðust kr. 600.000.  

Það hefur víða komið fram hvað Grundfirðingar eru bjartsýnir, jákvæðir og standa vel saman.  Áhugasamir einstaklingar og félög í Grundarfirði hafa ákveðið að nota þessa krafta til að safna sem nemur kr. 500,- á hvern Grundfirðing til að gefa í söfnunina „Neyðarhjálp úr norðri“.   Í þetta fer söfnunarféð:   • Treysta framtíð barna sem misst hafa foreldra sína. • Hjálpa fjölskyldum sem misstu allt sitt til að koma undir sig fótunum á ný. • Veita læknisaðstoð og heilsugæslu og koma í veg fyrir frekari skaða

Í dag miðvikudag kl 17:00 á að endurnýja pallinn við skíðalyftuna. Okkur vantar því nokkra foreldra til þess að koma kl 17 upp að lyftu og smíða með okkur. Hafið með ykkur hamar !  UMFG. 

Hlynur Elías Bæringsson tekur við titlinum aðal-íþróttamaður 2004 hjá HSH Fimmtudaginn 6. janúar sl. voru íþróttamenn HSH fyrir árið 2004 útnefndir í íþróttamiðstöðinni í Stykkishólmi. Tveir Grundfirðingar voru kjörnir íþróttamenn ársins í sinni grein, þeir Hermann Geir Þórsson, knattspyrnumaður hjá Víkingi, búsettur í Grundarfirði og Hlynur Elías Bæringsson, körfuknattleiksmaður hjá Snæfelli, en Hlynur er fæddur og uppalinn í Grundarfirði. Hlynur var jafnframt kjörinn aðal-íþróttamaður 2004 hjá HSH. Þeim Hermanni og Hlyni eru færða bestu óskir með titlana sem og öðrum kjörnum íþróttamönnum. Útnefningar frá ráðum voru eftirfarandi: