Fréttir & tilkynningar

Hilmar Orri, Jónas Elís, Bjarki, Sigmar, Stefán, Halldór Hrafn, Guðmundur Aron og Hallmar Gauti Þessir ungu menn mættu galvaskir til leiks á lóð Leikskólans Sólvalla í dag. Tilefnið var að rífa gamla kastalann niður svo unnt verði að setja þann nýja upp áður en leikskólinn tekur til starfa aftur eftir sumarfrí. Drengirnir stilltu sér upp fyrir byggingafulltrúa sem átti leið hjá með myndavél!    

  Norska húsið   Opin samkeppni um hugmyndir að minjagripum sem tengjast Norska húsinu í Stykkishólmi eða Snæfellsnesi og nýta má til skrauts, skemmtunar eða daglegra nota. Markmið samkeppninnar er að fá fram hugmyndir að hlutum sem hægt er að selja í safnverslun Norska hússins.  

Grundarfjarðarbær, KB banki, Þjónustustofan og VÍS vilja vekja athygli á gulri línu við anddyri húsnæðis þeirra, Grundargötu 30.     Kæru Grundfirðingar og aðrir... sýnum tillitssemi og leggjum ekki bílunum okkar á þessu svæði til þess auðvelda aðkomu að húsinu! 

Strákarnir í 5.flokki fóru til Þorlákshafnar í dag  með A og B lið.

Út er komið ritið Fólkið, fjöllin, fjörðurinn, 5. bindi. Ritið er gefið út af Eyrbyggjum, hollvinasamtökum Grundarfjarðar og hefur komið út árlega síðan árið 2000. Efni ritsins hefur jafnan verið í takt við undirheiti þess; safn til sögu Eyrarsveitar, þar sem birst hefur ýmis fróðleikur tengdur fólki og viðburðum hér í sveit, greinar, ljósmyndir, viðtöl, skrár o.fl.  

 Strákarnir okkar áttu ekki sinn besta leik í kvöld og töpuðu á móti Haukum í Hafnarfirðinum 3-1, mark okkar skoraði Brynjar Kristmundsson

Árleg bæjarhátíð Grundfirðinga „Á góðri stund í Grundarfirði“ var haldin um helgina. Besta hátíð hingað til, sögðu margir og víst er að hátíðin tókst með eindæmum vel.     

Þann 16. júní sl. var opnuð gestastofa Eyrbyggju – sögumiðstöðvar, sem er rekin af sjálfseignarstofnun í eigu margra aðila, fyrirtækja, félagasamtaka og einstaklinga. Nánar tiltekið var þar um að ræða „gestaþátt“ stafrænnar sögumiðstöðvar sem er annar áfangi í smíði heildstæðrar stafrænnar sögumiðstöðvar (Digital showroom ©).    

Í dag kl. 18 verður með lítilli athöfn í Sögumiðstöð opnuð sýning sem ber yfirskriftina Sjósókn fyrri tíma.   Brana SH 20 Gestum mun nú í fyrsta sinn gefast kostur á að skoða bát Snorra Elíssonar frá Vatnabúðum í Eyrarsveit, sem nú hefur verið endurgerður sem sýningargripur. Báturinn, Brana SH 20, var byggður árið 1913 sem árabátur fyrir föður Snorra, Elís Gíslason. Árið 1930 var sett í hann vél, 3ja hestafla vél af gerðinni Sleipnir. Sú vél mun hafa verið í bátnum fram til 1950 er sett var í hann 4,5 hestafla vél, af sömu gerð. Sú vél hefur nú verið gerð upp og er komin aftur í Brönuna.      

Sögumiðstöð og Vorgleði   Eyrbyggja-sögumiðstöð býður gestum og gangandi upp á hinar ýmsu sýningar þessa hátíðarhelgi. Þar ber helst að nefna kvikmynd Daggar Mósesdóttur. Myndin er heimildamynd um Maríu Runólfsdóttir sem var ættleidd frá Grænhöfðaeyjum 2 ára gömul. María fór svo aftur, ásamt Dögg, til Grænhöfðaeyja rúmum 20 árum síðar til þess að hitta fjölskyldu sína.