Fréttir & tilkynningar

Friðrik Vignir Stefánsson leikur á orgel Bavo dómkirkjunnar í Haarlem, Hollandi Friðrik Vignir Stefánsson, organisti heldur orgeltónleika í Stykkishólmskirkju sunnudaginn 3. október 2004 kl. 17.00. Á efnisskránni er Prelúdía og fúga í C-dúr (BWV 545) eftir J.S. Bach, þrír sálmaforleikir eftir J.S. Bach, Prelúdía og fúga í C-dúr (BWV 547) eftir J.S. Bach, Forspil um sálm sem aldrei var sunginn eftir Jón Nordal, Himna rós, leið og ljós (lag úr Hymnodíu frá 18.öld) eftir Ragnar Björnsson, þrjár prelúdíur op. 2 eftir Árna Björnsson og þættir úr hinni þekktu Gotnesku Svítu eftir Leon Boëllmann.

Guðjón Elisson hefur nú lokið við að taka myndir af öllum bæjum í Eyrarsveit og komið þeim inn á Grundarfjarðarvefinn þar sem hægt er að skoða þær með sama hætti og húsin í bænum. Ef smellt er á „bæirnir í sveitinni“ hér til hægri kemur upp loftmynd af Eyrarsveit í heild sinni. Á loftmyndinni er svo hægt að smella á hvern bæ fyrir sig og sjá myndir af þeim húsum sem þar eru. Guðjón á heiður skilinn fyrir þessa vinnu sína fyrir heimasíðu Grundarfjarðarbæjar og nokkuð ljóst er að svona heimildir er ekki víða að finna á vefjum sveitarfélaga.  

Leikskólinn Sólvellir er að fara af stað með Þróunarverkefni sem ber heitið „Ég og leikskólinn minn - ferlimöppur til að skapa markvisst upplýsingaflæði milli skóla og heimilis“. Leikskólinn fékk styrk í verkefnið sem snýr að nemendum fæddum árið 2002.

Í gær hófst öryggisvika sjómanna, sem haldin er í annað sinn. Vikan er haldin í tengslum við Alþjóðasiglinga-daginn 26. september og lýkur þann 1. október n.k. Þema öryggisvikunnar nú er „Forvarnir auka öryggi“.

  Efri röð: Diddi, Eygló, Addi, Heimir, Sigríður, Gæi, Guðni og Hafsteinn Neðri röð: Nicky, Eydís, Unnur Birna, Gísli og Geiri  Gríðarleg stemming var við vígslu sparkvallar í gær þegar stjórn UMFG og bæjarstjórn Grundarfjarðar öttu kappi saman. Úrslit urðu þannig að UMFG sigraði með sex mörkum gegn fimm.

Nú hefur verið lögð lokahönd á gerð sparkvallar á lóð Grunnskóla Grundarfjarðar. Völlurinn er hinn glæsilegasti og er það von bæjaryfirvalda að hann nýtist vel til æfinga og leiks. Í dag, fimmtudag, kl. 18:00 verður sparkvöllurinn á lóð grunnskólans vígður með pompi og pragt.

Hafnarstjórn Grundarfjarðarhafnar ákvað á fundi sínum í gær að Grundarfjarðarhöfn yrði þátttakandi í íslensku sjávarútvegssýningunni sem haldin verður í Kópavogi 7. til 10. september 2005.  

  Grundarfjarðarbær auglýsir til sölu einbýlishúsið við Eyrarveg 25. Húsið er steinsteypt á tveimur hæðum, alls 208,6 fm, byggt árið 1969. Íbúð á efri hæð er 139,2 fm og kjallari er 69,4 fm. Í íbúðinni er stór stofa, eldhús, stórt þvottahús, 4 svefnherbergi og tvö baðherbergi.

Í morgun kom nýtt skip til heimahafnar í Grundarfirði. Skipið heitir Þorvarður Lárusson SH 129 og er í eigu Sæbóls ehf. Skipið er 210 brúttó lestir. Eigendum skipsins eru færðar bestu hamingjuóskir. Þorvarður Lárusson SH 129

Stelpurnar í 4.flokki voru ánægðar með fyrstu æfinguna á gervigrasvellinum. Þær koma til með að æfa einu sinni í viku á gervigrasinu í vetur.Sverrir Karlson tók þessa fínu mynd af þeim. Steinunn,Marta,Arndís,Guðrún,Hanna,Silja,Rebekka,Dæja,Guðbjörg og Silja Rán