Fréttir & tilkynningar

Eftir er sporður þó af sé höfuð! Alls tóku 125 þátt í páskaspurningunni. 39% svöruðu rétt en 55% völdu „uggi“.

Jónas Pétur Bjarnason sem verið hefur verkstjóri í áhaldahúsi Grundarfjarðar sl. ár lét af störfum hjá Grundarfjarðarbæ þann 12. apríl sl.  Í hans stað hefur verið ráðinn Valgeir Þór Magnússon, en sjö umsækjendur voru um starfið.   Valgeir Magnússon, verkstjóri áhaldahúss   Valgeir er búsettur hér í Grundarfirði og hefur undanfarin ár starfað sem aðstoðarverkstjóri hjá Fisk-Seafood.   Valgeir hóf störf hjá Grundarfjarðarbæ í morgun og er hann boðinn velkominn til starfa. Jónasi eru þökkuð vel unnin störf.  

Sumardaginn fyrsta, þann 20. apríl  kl. 14.00 mun sýningin „Auður Austurlands“ opna í Norska húsinu í Stykkishólmi.   Á sýningunni eru fjölbreyttir munir unnir úr hráefni sem tengist Austurlandi þ.e. hreindýraskinni, hreindýrshorni og beini, lerki og líparíti.

Sundlaugin verður opin í dag frá klukkan 12 og eitthvað fram eftir degi, allt eftir aðsókn. Nú er um að gera að nýta góða veðrið og skella sér í sund.  

Grundarfjarðarvefurinn óskar öllum lesendum gleðilegrar páskahátíðar. Á morgun, skírdag, heldur blakdeild UMFG sitt árlega páskamót í íþróttahúsinu. Mótið hefst kl. 11 og er styrkt af Ragnari og Ásgeiri ehf. Laugardaginn 15. apríl verður hið árlega páskamót Hesteigendafélags Grundarfjarðar. Mótið hefst kl. 13 og að því loknu verður kaffisala í Fákaseli. Mótið er í boði Landsbanka Íslands.

Í Leikskólanum Sólvöllum vinna starfsmmenn þessa dagana að þróunarverkefninu „Ég og leikskólinn minn“. Útbúnar eru ferlimöppur til að skapa markvisst upplýsingaflæði milli skóla og heimilis. Þetta verkefni hefur verið í gangi hjá árgangi 2002 og lýkur þegar sá árgangur hættir í leikskólanum 2008 og hefur þá vonandi fests í sessi.

Gámastöðin verður opin laugardaginn 15. apríl frá kl. 10:00-12:00.   Verkstjóri 

Góð mæting hefur verið í vetur í frjálsar íþróttir og krakkarnir staðið sig vel á æfingum.  Þegar krakkarnir hafa verið að taka fyrir tilteknar greinar þá hefur verið endað á því að mæla árangur og hafa þær tölur verið hengdar upp á töflu frammi.  Gaman hefur verið að fylgjast með frá því í haust til dagsins í dag hvað krakkarnir eru að bæta sig, og í lok vetrar mun listin verða settur á netið.   Krakkar á frjálsíþróttaæfingu  

Landaður afli í mars 2006 í Grundarfjarðarhöfn var 1.967 tonn samanborið við 2.634 tonn í mars árið 2005 og 1.946 tonn árið 2004. Í meðfylgjandi töflu má sjá aflann eftir tegundum öll árin:   Tegundir 2006 2005 2004 Þorskur 428.473    702.509 785.623  kg Ýsa 404.699    268.860 174.174  kg Karfi 440.373    663.996 395.146  kg Steinbítur 29.355    294.223 121.381  kg Ufsi 65.515    68.350 69.978  kg Beitukóngur 0 0 0  kg Rækja 0 0 0  kg Langa  10.716    2.881 1.740  kg Keila 9    1.051 654  kg Gámafiskur 539.543    562.423 309.448  kg Aðrar tegundir  48.233    69.878 87.952  kg Samtals 1.966.916    2.634.171    1.946.096     kg 

Á Jónsmessunótt glóir grjótið í kringum tjörnina á Klakki allt af gimsteinum og af þeim getur þá hver sem vill fengið slíkt er hann getur borið. Alls tóku 140 þátt þessa vikuna og svöruðu 120 eða 86% rétt.