Fréttir & tilkynningar

Framboðsfrestur vegna sveitarstjórnarkosninganna sem fram fara laugardaginn 27. maí n.k. rann út á hádegi laugardaginn 6. maí sl. Kjörstjórn veitti framboðslistum móttöku á bæjarskrifstofunni milli kl. 11 og 12 þann dag. Tvö framboð skiluðu inn framboðslistum til sveitarstjórnarkosninga í Grundarfirði í vor. Það voru D-listi Sjálfstæðisfélags Grundarfjarðar og L-listi Samstöðu – lista fólksins. Meðfylgjandi myndir voru teknar við afhendingu framboðslistanna.

Innlit á vef Grundarfjarðarbæjar hafa aldrei verið eins mörg og í mars mánuði, alls 14.535 eða um 469 á dag. Mánuðina janúar til apríl voru innlitin samtals 50.646 en voru 35.153 á sama tímabili í fyrra. Aukningin er 44%.   Við kappkostum að birta réttar og gagnlegar upplýsingar á vefnum og erum sannfærð um að við erum á réttri leið og stefnum á að gera enn betur. Takk fyrir góðar viðtökur.

Undanfarið hefur verið unnið að endurbótum á útliti vefsins. Vefurinn er í stöðugri þróun og sífellt fleiri upplýsingar að bætast inn á hann. Þessar breytingar eru helstar:  

Landaður afli í Grundarfjarðarhöfn í apríl 2006 var 1.678 tonn. Í apríl 2005 var heildarafli 2.382 tonn og árið 2004 1.104 tonn. Í meðfylgjandi töflu má sjá aflann sundurliðaðan eftir tegundum.   Tegundir 2006 2005 2004 Þorskur 308.728 363.024 339.585 Kg. Ýsa 97.813 336.741 84.539 kg. Karfi 818.336 956.537 272.333 kg. Steinbítur 7.027 99.850 143.480 kg. Ufsi 86.426 172.204 56.073 kg. Beitukóngur 4.400     kg. Rækja 0 15.123 21.816 kg. Langa  11.691 4.957 4.440 kg. Keila 4.297 825 5.202 kg. Gámafiskur 300.270 396.570 130.204 kg. Aðrar tegundir  39.315 35.869 46.027 kg. Samtals 1.678.303 2.381.700 1.103.699  

Ársreikningur Grundarfjarðarbæjar fyrir árið 2005 var tekinn til fyrri umræðu í bæjarstjórn fimmtudaginn 27. apríl sl. en samkvæmt sveitarstjórnarlögum skal fjalla um ársreikning á tveimur fundum í bæjarstjórn.   Starfsemi sveitarfélagsins er skipt upp í tvo hluta, A-hluta og B-hluta. Í A-hluta er sú starfsemi sveitarfélagsins sem fjármögnuð er með skatttekjum en í B-hluta eru fyrirtæki sem eru rekin sem fjárhagslega sjálfstæðar einingar.  

Almennur kynningarfundur í Grunnskóla Grundarfjarðar    Grundarfjarðarbær boðar til almenns kynningarfundar um tillögu að aðalskipulagi fyrir dreifbýli Grundarfjarðarbæjar. Um er að ræða kynningu á drögum að nýju aðalskipulagi sem unnið hefur verið að undanfarið en gert er ráð fyrir að þetta nýja aðalskipulag gildi til ársins 2015. Fundurinn verður haldinn í Grunnskóla Grundarfjarðar þriðjudaginn 9. maí n.k. kl. 20:30.

Jæja þá er þessi frábæra helgi liðin sem við blakkonur vorum búnar að bíða svo spenntar eftir. Aldrei fyrir þessa helgi hefðum við trúað því að við myndum upplifa aðra eins stemningu og við upplifðum síðastliðið laugardagskvöld er við mættum Víkingi Ólafsvík í okkar eina heimaleik. Íþróttarhúsið var yfirfullt af fólki og hefðu alveg örugglega ekki fleiri komist inn þó þá hefði langað, þarna sat fólk með lúðra, trompet, trommur og ýmislegt fleira til að reyna að mynda sem mesta stemningu.   Lið UMFG í 1. sæti í 5. deild    

Framboðsfrestur vegna sveitarstjórnarkosninganna sem fram fara laugardaginn 27. maí n.k. rennur út kl. 12 á hádegi laugardaginn 6. maí n.k. Skila má framboðslistum til formanns kjörstjórnar, Þorvarðar M. Sigurðssonar, sími 860 4141. Kjörstjórn mun ennfremur taka á móti framboðslistum á bæjarskrifstofu Grundarfjarðar laugardaginn 6. maí n.k. milli kl. 11.00 og 12.00.  Formaður kjörstjórnar 

Þann 1. maí sl., á alþjóðlegum frídegi verkafólks, héldu Verkalýðsfélagið Stjarnan og Starfsmanna félag Dala- og Snæfellsnessýslu sína árlegu skemmtun að þessu sinni á veitingahúsinu Kaffi 59. Ræðumaður dagsins var formaður Verkalýðsfélags Stykkishólms. Idolstjarnan Alexander Aron söng nokkur lög og leikarinn Björgvin Frans Gíslason skemmti og söng. Að dagskrá lokinni var boðið upp á kaffiveitingar.   Alexander Aron   Sjá fleiri myndir í myndabanka síðunnar.

Í dag voru opnuð tilboð í verkið „Ný litla bryggja - stálþil“. Alls bárust þrjú tilboð í verkið. Kostnaðaráætlun hljóðar upp á 85.823.540 kr. Tilboðin sem bárust voru eftirfarandi: Hagtak hf., 94.489.600 kr. eða 110% af kostnaðaráætlun. Íslenska gámafélagið, 91.153.160 kr. eða 106% af kostnaðaráætlun. Berglín ehf., 83.769.900 kr. eða 97,6%.