Fréttir & tilkynningar

    Elna Bárðarson, íbúi á Fellaskjóli, fagnaði 95 ára afmæli sínu laugardaginn 18. mars og er hún elsti núlifandi Grundfirðingurinn. Það var að sjálfsögðu slegið upp veislu í tilefni dagsins og var vel mætt.    Grundarfjarðarbær óskar Elnu innilega til hamingju með 95 ára afmælið!   

     Þann 1. janúar 2017 tóku  gildi ný lög um húsnæðisbætur og sérstakan húsnæðisstuðning sveitarfélaga. Sveitarfélögin á Snæfellsnesi hafa nú samþykkt reglur um sérstakan húsnæðisstuðning og mun Félags- og skólaþjónusta Snæfellinga sjá um móttöku og afgreiðslu umsókna.  

  Grundarfjarðarbær vinnur að deiliskipulagstillögu fyrir áningarstað vestan við brúna yfir Kolgrafafjörð. Megintilgangur með skipulagningu svæðisins er að bæta öryggi vegfarenda við brúna með því að skilgreina þar áningarstað, stýra umferð fólks um svæðið og vernda náttúru þess. Á áningarstaðnum er gert ráð fyrir bílastæðum og hjólastæðum, byggingarreit fyrir þjónustubyggingu og aðstöðu til áningar. Ennfremur útsýnispalli á grjótvarnargarði beggja vegna brúar ásamt skýlum til náttúruskoðunar. Þá er gert ráð fyrir gönguleið frá nýjum áningarstað að áningarstað Vegagerðarinnar í grennd við bæinn Eiði. Nánar er vísað í kynningargögn.      

Philippe O’Quin, sendiherra Frakklands á Íslandi, varði deginum í Grundarfirði í gær en hann er afar áhugasamur um tengsl bæjarins við vinabæinn, Paimpol í Frakklandi. Sendiherrann heimsótti fiskvinnslufyrirtækið G.Run sem flytur megnið af sínum afla til Frakklands, borðaði hádegisverð á Bjargarsteini, skoðaði Grundarkamp og fékk kynningu á samskiptum Grundfirðinga og Frakka í fortíð og nútíð, sem og framtíðarplön um heimsóknir milli vinabæjanna tveggja.        

203. fundur bæjarstjórnar Grundarfjarðar verður haldinn í Ráðhúsi Grundarfjarðar, fimmtudaginn 9. mars 2017, kl. 16:30.  

    Laugardaginn 11. mars verður haldin hugmyndasmiðja um sameiginlega Gestastofu Snæfellsness. Hugmyndasmiðjan verður haldin á Breiðabliki kl 10:30-13:30 og eru allir velkomnir sem vilja láta sig málið varða. Smelltu hér fyrir auglýsinguna í stærri útgáfu.

  Ýtið á myndina til að fá hana stærri.  

Þórir Bergmundsson háls,- nef og eyrnalæknir verður með móttöku á Heilsugæslunni Grundarfirði mánudaginn 6. mars n.k. Tekið er á móti tímapöntunum á Heilsugæslustöð Grundarfjarðar, í síma 432 1350.    

Börnin kjósa bestu bókina   Veggspjöld með bókum ársins 2016 eru í grunnskóla og á bókasafninu. Einnig má skoða það á vef Borgarbókasafnsins. 1,2 MB.   Skilafrestur er til 25. mars og má skila til Þórdísar úti í skóla og á bókasafnið í Sögumiðstöðinni. Sækja má atkvæðaseðla í skóla og á bókasafn þegar nær dregur.   Á Bókasafni Grundarfjarðar verður dregið úr innsendum seðlum og bókaverðlaun veitt tveimur börnum, öðru úr 1.-3. bekk og hinu úr 4.-6. bekk.     Athugið. Skilafrestur á veggspjaldi er rangur. 25. MARS er rétt.    Stærra veggspjald er á þessari síðu.     Fylgist með á Facebook og LÍKIÐ við.    

Íbúafundur var haldinn í Samkomuhúsi Grundarfjarðar 20. febrúar sl. Ágætlega var mætt á fundinn, sem þótti upplýsandi.