Fréttir & tilkynningar

9. bekkur Grunnskóla Grundarfjarðar verður með kökubasar í dag kl. 15:00 í Samkaupum Strax. Basarinn er liður í fjáröflun bekkjarins vegna fyrirhugaðrar Frakklandsferðar. Bekkurinn fer út þann 30. maí nk. og dvelur í Frakklandi í tvær vikur. Þetta er síðasti kökubasarinn sem 9. bekkur stendur fyrir vegna ferðarinnar. Kíkið í Samkaup og kaupið tertu fyrir helgina!   9. bekkur

Vikuna 9.–13. maí er vorskóli  í Grunnskóla Grundarfjarðar fyrir elstu nemendur leikskólans. Nemendur fara ásamt kennara úr leikskólanum daglega í grunnskólann og eru þar frá kl. 13:00-15:00 þar sem þau kynnast grunnskólastarfinu og þeim kennurum sem koma til með að kenna þeim í haust.  

Landaður afli í Grundarfjarðarhöfn í apríl var 2.382 tonn samanborið við 1.104 tonn í apríl 2004. Aflinn er því 116% meiri nú í apríl heldur en á sama tíma í fyrra!   Meðfylgjandi tafla sýnir skiptingu á milli tegunda. Gámafiskur er að stærstum hluta ýsa, þorskur og steinbítur.  

Slökkvibílarnir þrír sem liðin á Nesinu eiga Miðvikudaginn 4. maí sl. hélt Brunamálastofunun samæfingu með slökkviliðum Stykkishólms, Grundarfjarðar og Snæfellsbæjar. Æfingin var haldin að Gufuskálum en þar hefur Brunamálastofunum verið að koma upp búnaði til æfinga fyrir slökkvilið.  

 UMFG er að taka í notkun nýja félagsgalla og verður hægt að panta þá í dag á milli kl 17:00 og 18:30 á KAFFI 59. Gallarnir verða merkti með nafni viðkomandi og er því mikilvægt að koma með krakkana til þess að máta gallann og finna rétta stærð. Verð á galla er kr. 5400 fyrir barnastærðir og 6400 fyrir fullorðinsstærðir. Félagið hefur ákveðið að fara fram á það að allir iðkendur kaupi félagsgalla UMFG og allir þeir sem keppa fyrir félagið eiga því að mæta til keppni í félagsgalla UMFG.

Götusópari er að sópa götur hér í Grundarfirði í dag og fram á miðvikudag. Fólk er hvatt til að hliðra til fyrir götusópnum og færa bifreiðar sínar eftir því sem kostur er, þannig að náist að sópa allar götur og ekkert verði eftir. Reynt verður að banka upp á í húsum þar sem færa þarf bifreiðar af götunni.   Hjálpumst að við að að gera bæinn okkar snyrtilegan fyrir sumarið!   Verkstjóri

Grundarfjarðarbær óskar eftir starfsmanni í heimaþjónustu, 4-6 tíma á viku. Viðkomandi þarf að geta hafið störf sem fyrst. Laun samkvæmt kjarasamningi SDS og Launanefndar sveitarfélaga. Nánari upplýsingar fást á bæjarskrifstofunni eða í síma 430 8500.   Skrifstofustjóri  

Sundlaugin lokar kl. 19 á þriðjudag vegna lokahófs franskra skólabarna og 9. bekkjar.

Um helgina var Sóley Einarsdóttir sundkennari hjá okkur. Krökkunum var skipt í tvo hópa og voru tvær æfingar á dag hjá hvorum hóp. Krakkarnir tóku miklum framförum á þessum stutta tíma og var Sóley ánægð með þau. Veðrið hefði mátt vera betra en krakkarnir létu það nú ekki á sig fá og var mæting á æfingarnar góð, en krakkarnir voru frekar þreytt eftir helgina enda ekki vön að vera á tveimur klukkutíma sundæfingum á dag. Við tókum nokkra myndir á æfingunum og látum þær fylgja með hér fyrir neðan. Það er ljóst að ef krakkarnir verða áfram jafn dugleg í sundinu og nú um helgina þá verðum við ekki í vandræðum með að byggja upp jafn öfluga sunddeild og var hér fyrir nokkrum árum. Emil Robert

Fyrri dagur sjóstangaveiðimóts Sjóstangaveiðifélags Reykjavíkur (SJÓR), sem haldið er hér í Grundarfirði, gekk vel fyrir sig. Keppendur eru á milii 50 og 60 og var róið á 13 bátum. Aflinn hefði mátt vera meiri að sögn nokkurra keppenda á bryggjunni í dag, þegar mannskapurinn var að tínast í land. Veður var með eindæmum gott, sól og blíða. Alls eru haldin 8 mót í sumar sem teljast til Íslandsmeistarakeppni í sjóstöng, auk svipaðs fjölda innanfélagsmóta á vegum sjóstangaveiðifélaganna. Síðari dagur mótsins er laugardaginn 7. maí.   Löndun á bryggjunni