Fréttir & tilkynningar

Með vísan í 1. málsgr. 26. gr. skipulags- og byggingarlaga nr. 73/1997 er hér með auglýst eftir athugasemdum við breytingu á gildandi deiliskipulagi framhaldsskólalóðar við Grundargötu í Grundarfirði.   Svæðið sem tillagan tekur til; Tillagan tekur til svæðis sem liggur frá Grundargötu milli lóða nr. 42 og 50 að Sæbóli milli lóða nr. 11 og 25. Skipulagssvæðið er í landi Grundarfjarðarbæjar.  

Í samræmi við 18. gr. skipulags- og byggingarlaga nr. 73/1997 er hér með auglýst eftir athugasemdum við breytingu á aðalskipulagi Grundarfjarðar 2003-2015.   Breytingin felst í eftirfarandi; Gert er ráð fyrir stækkun miðsvæðis sem náði yfir 6.265 m² svæði milli lóða nr. 42 og 50 við Grundargötu.  Þar var gert ráð fyrir 5.890 m² lóð fyrir framhaldsskóla og tengda starfsemi.  

Hafnar eru framkvæmdir við stækkun Eyrbyggju – Sögumiðstöðvar.  Breytingar sem gera þarf á húsinu vegna breyttrar notkunar er töluverðar og miklum tíma hefur verið varið í hönnun er taki mið af því að ná fram mestu mögulegu hagkvæmni jafnframt glæsilegu útliti. Orri Árnason arkitekt á arkitektastofunni Zeppelín hefur séð um alla arkitektavinnu.    Framhlið sögumiðstöðvar

Hafnar eru framkvæmdir við stækkun Eyrbyggju - Sögumiðstöðvar. Stækkunin, við húsið norðanvert, kemur til með að hýsa snyrtingar/salerni. Vegna breyttrar notkunar hússins, sem áður var verslunarhús, þarf einnig að ráðast í ýmsar aðrar breytingar á því. Mikil vinna hefur verið lögð í hönnun er taki mið af því að ná fram sem mestri hagkvæmni og að starfsemin rúmist sem best í húsinu, auk þess sem lögð er áhersla á glæsilegt útlit og góða aðkomu að húsinu. Orri Árnason arkitekt sem á og rekur arkitektastofuna Zeppelin í Garðabæ hefur séð um alla arkitektavinnu.   Framhlið sögumiðstöðvar

Sveitarfélögin á Snæfellsnesi; Eyja- og Miklaholtshreppur, Grundarfjarðarbær, Helgafellssveit, Snæfellsbær, Stykkishólmsbær og Þjóðgarðurinn Snæfellsjökull, afhentu í dag samgönguráðherra, Sturlu Böðvarssyni, framtíðarstefnu sína fyrir Snæfellsnes. Er hún liður í undirbúningi að vottun GREEN GLOBE 21 á Snæfellsnesi sem SJÁLFBÆRU SAMFÉLAGI með megináherslu á ferðaþjónustu.  

Héraðsmót HSH í frjálsum íþróttum verður haldið í Stykkishólmi á sunnudaginn 22. febrúar. Mótið efst kl 10. Foreldrar þeirra barna sem ætla að vera með þurfa að vera búin að skrá börnin fyrir kl 17:00 fimmtudaginn 19. febrúar hjá Kristínu Höllu í síma 899-3043.   Fjölmennum nú á mótið og komum heim með bikarinn !  

Sönghópurinn Sex í sveit frá Grundarfirði verður með söngskemmtun á vetrarhátíð Reykvíkinga sem haldin er nú í þriðja sinn dagana 19. – 22. febrúar.   Sönghópurinn ásamt undirleikara og stjórnanda Friðriki Vigni Stefánssyni mun koma fram á sérstakri árbæjarhátíð vetrarhátíðarinnar sunnudaginn 22. febrúar nk. kl 13.30 og verður hún haldin í hinu nýja húsi Orkuveitu Reykjavíkur, Bæjarhálsi 1.

4. flokkur karla spilar um helgina til úrslita á íslandsmótinu innanhúss.   Keppnin fer fram á Akranesi á sunnudaginn kl 10:00

  Samkvæmt upplýsingum frá Loftorku er nú verið að steypa einingar fyrir grunn nýja Fjölbrautaskólans. Þann 25. feb. verður byrjað að reisa einingarnar í grunninn á byggingarstað.   Hönnuðir eru að leggja lokahönd á teikningar og er gert ráð fyrir að hönnun arkitekta og verkfræðinga verði lokið 17. febrúar.   Fréttatilkynning frá Jeratúni ehf. 11. feb. 2004

Með auglýsingu í Lögbirtingablaðinu þann 6. febrúar sl. hefur tekið gildi breyting á Auglýsingu um umferð í Grundarfirði sem hér segir:   Biðskylda verður á Hrannarstíg gagnvart Nesvegi.    Bæjarstjóri