Fréttir & tilkynningar

Jeratún ehf. eignarhaldsfélag sveitarfélaganna á norðanverðu Snæfellsnesi hefur gengið frá samningum við Landsbanka Íslands um skuldabréfaútboð vegna fjármögnunar byggingaframkvæmda.  

Fjárhagsáætlun Grundarfjarðarbæjar og stofnana voru samþykkt á fundi bæjarstjórnar 11. desember síðastliðin.   Gert er ráð fyrir að heildartekjur bæjarsjóðs verði 306 millj. kr. Skatttekjur eru áætlaðar 270,4 millj. kr. eða 88,36% af heildartekjum  

Í dag tók samgönguráðherra, Sturla Böðvarsson fyrstu skóflustungu að byggingu Fjölbrautarskóla Snæfellinga sem rísa mun í miðbæ Grundarfjarðar. Byggingin verður reist af Eignarhaldsfélaginu Jeratúni ehf. sem sveitarfélögin á norðanverðu Snæfellsnesi standa að. Bygginganefnd hússins hefur gert samning við hóp verktaka úr Stykkishólmi og Helgafellssveit um jarðvegsskipi. Þau eru EB-vélar ehf., Stefán Björgvinsson, BB og synir ehf. og Velverk ehf. Fyrirhugað er að útboð uppbyggingar hússins verði auglýst um miðjan janúar.  

Ísafjarðarbær og Héraðsnefnd Snæfellinga eru meðal þátttakenda í nýju verkefni um svokölluð viðburðaskipti sem ber nafnið "Usevenue" og er styrkt af Norðurslóðaáætlun Evrópusambandsins. Auk þeirra taka þátt sveitarfélögin Storuman í Svíþjóð, Aviemore í Skotlandi og Hyrynsalmi í Finnlandi en þaðan er hugmyndin að verkefninu komin.  

Grundarfjarðarbæróskar eftir umsóknum í byggðakvóta sem úthlutaður hefur verið til Grundarfjarðar. Úthlutað verður eftir úthlutunarreglum er bæjarstjórn hefur sett og staðfest af sjávarútvegsráðherra.  

Íþróttaskólinn fellur niður þann 18. desember vegna mikilla (jóla)anna.  Íþróttaálfarnir (Iðunn og Freydís) óska öllum krökkunum gleðilegra jóla og við hlökkum til að sjá ykkur aftur á nýju ári. 

Síðustu æfingar fyrir jólafrí verða föstudaginn 19. desember.   Þjálfarar óska öllum íþróttaálfum gleðilegra jóla. 

Opið bréf til hundaeigenda í Grundarfirði, - hundahreinsun þann 16. desember n.k.   Að marggefnu tilefni vil ég minna á nokkur mikilvæg atriði sem hundaeigendum ber að hafa í huga. Í Grundarfirði er í gildi “samþykkt um hundahald í Grundarfirði” sem staðfest er af Umhverfisráðuneytinu þann 7. maí 2002.  Þar kemur ótvírætt fram að leyfi þarf til að fá að halda hund í þéttbýli Grundarfjarðar.  

Opnunartími Gámastöðvar um jól og áramót er sem hér segir:   Laugardagur     20.12.´03.....Opið Mánudagur       22.12.´03.....Opið Þriðjudagur      23.12.´03......Opið Miðvikudagur 24.12.´03.......Lokað Fimmtudagur    25.12.´03.....Lokað Föstudagur       26.12.´03....Lokað Laugardagur     27.12.´03.....Opið Mánudagur       29.12.´03.....Opið Þriðjudagur      30.12.´03......Opið Miðvikudagur   31.12.´03.....Lokað Fimmtudagur    01.01.´04.....Lokað Föstudagur       02.01.´04 ....Opið Laugardagur     03.01.´04.....Opið   Opnunartími hér eftir með hefðbundnum hætti þ.e. opið alla virka daga frá kl. 16:30 – 18:00, og á laugardögum frá kl. 10:00 – 12:00.  

 Nýskipuð skólanefnd Fjölbrautarskóla Snæfellinga kom til síns fyrsta fundar á bæjarskrifstofu Grundarfjarðar í gær. Hana skipa Kjartan Páll Einarsson, Stykkishólmi, Sigríður Finsen, Grundarfirði, Sveinn Þór Elínbergsson, Ólafsvík, tilnefnd af menntamálaráðherra,  Björg Ágústsdóttir, Grundarfirði og Eyþór Benediktsson, Stykkishólmi, tilnefnd af sveitarfélögunum.