Fréttir & tilkynningar

191. fundur bæjarstjórnar Grundarfjarðar verður haldinn í Ráðhúsi Grundarfjarðar fimmtudaginn 10. desember 2015, kl. 16:30.  

Íþróttahúsið mun loka kl.15.00. í dag vegna veðurs. Allar íþróttir falla því niður í dag.    

    Startup Tourism er nýr viðskiptahraðall (e. Business accelerator) á vegum Klak Innovit sem miðar að því að bæta faglega undirstöðu hjá nýjum fyrirtækjum í ferðaþjónustu auk þess að stuðla að dreifingu ferðamanna um landið allt árið um kring. Vinnusmiðja í Startup Tourism verður haldin í Hugheimum, Bjarnarbraut 8 í Borgarnesi þann 10. desember næstkomandi og stendur frá kl. 10:00 til 18:00.  

    Frestur til að skrá sig í Landnemaskóla 2 hefur verið framlengdur til 15. desember.  Skólinn er ætlaður íbúum Snæfellsness af erlendum uppruna sem vilja bæta við sig íslenskukunnáttu en æskilegt er að þátttakendur hafi grunnþekkingu á íslenskri tungu.   Athugið að hægt er að sækja um styrk fyrir námskeiðsgjaldinu til verkalýðsfélaganna.  

    Athugið að vegna slæmrar veðurspár verður Vatnaleið, Fróðárheiði og Búlandshöfða lokað fyrir umferð frá klukkan 18:00 í dag. Þeim tilmælum er einnig beint til fólks að vera ekki á ferðinni að nauðsynjalausu meðan óveðrið gengur yfir.    Hafið samband við 112 Neyðarlínu ef aðstoðar er þörf.

      Vinsamlega athugið að mikilvægt er að mokað sé frá sorptunnum í bænum svo þær, sem og leiðin að þeim, séu aðgengilegar fyrir sorphirðufólkið. Sorphirða verður næst þriðjudaginn 8. desember. Það getur verið talsvert puð að draga fullar tunnur og enn erfiðara ef mikill snjór er í veginum.  

   

  Þessi fallega mynd var tekin af Sverri Karlssyni og hlaut fyrstu verðlaun í Ljósmyndasamkeppni Grundarfjarðarbæjar árið 2015   Úrslit í hinni árlegu ljósmyndasamkeppni Grundarfjarðarbæjar voru tilkynnt á aðventudegi kvenfélagsins Gleym mér ei í gær, fyrsta sunnudag í aðventu. Tólf fallegar myndir voru sendar inn í keppnina en þemað í ár var „gestir og gangandi“. Það var áhugaljósmyndarinn Sverrir Karlsson sem sigraði í keppninni og átti einnig myndina í þriðja sæti keppninnar. Í öðru sæti varð Dagný Rut Kjartansdóttir.  

Íbúar athugið. Vegna óhagstæðrar veðurspár á morgun, þriðjudag, verður græna tunnan losuð í dag mánudaginn 30.11.2015.  

  Svana Björk Steinarsdóttir er íþróttamaður Grundarfjarðar árið 2015   Íþróttamaður Grundarfjarðar árið 2015 var heiðraður á aðventudegi kvenfélagsins Gleym mér ei í gær, fyrsta sunnudag í aðventu. Fjórir glæsilegir íþróttamenn voru tilnefndir en blakkonan Svana Björk Steinarsdóttir bar sigur úr býtum og nafnbótina íþróttamaður Grundarfjarðar 2015. Systir Svönu Bjarkar, Sandra Rut, tók við verðlaununum fyrir hönd Svönu en íþróttakona ársins var stödd á Austfjörðum að keppa í blaki.