Fréttir & tilkynningar

Öllu skólahaldi Tónlistarskóla Grundarfjarðar verður aflýst í dag vegna veðurs.  

Handavinna og jóga fellur niður í dag 10. mars.  

Fimmtudaginn 12. mars klukkan 17-18:30 verður opið hús í FSN. Þá verður kynning á nýjum námbrautum, inntökuskilyrðum, kennsluumsjónarkerfi, mötuneyti, nemendafélaginu og fleira.   Það eru allir velkomnir og nemendur sem ljúka grunnskólanámi í vor og forráðamenn þeirra eru sérstaklega boðnir velkomnir.     

Gráa sorptunnan verður losuð í dag mánudag 9.mars vegna slæmrar veðurspár á morgun.   Íbúar Grundarfjarðarbæjar eru vinsamlegast beðnir um að moka vel frá sorptunnum til að auðvelda starfsmönnum aðgengi að þeim.    

Grunnskóli Grundarfjarðar hafnaði í öðru sæti í Vesturlandsriðlinum í Skólahreysti 2015 með 40,50 stig sem er glæsilegur árangur. Skólahreystikeppnin 2015 er hafin en fimmtudaginn fimmta mars kepptu skólar á Vesturlandi. Grunnskóli Grundarfjarðar tók þátt og fóru um 40 nemendur á unglingastigi suður í Garðabæ til að hvetja sitt lið til dáða. Þeir nemendur sem kepptu voru Dominik Wojciechowski, Sverrir Sævarsson, Lísbet Rós Ketilbjarnardóttir og Kristbjörg Ásta Viðarsdóttir en Björg Hermannsdóttir og Aron Freyr Ragnarsson voru varamenn. Hvert lið samanstendur af tveimur strákum og tveimur stelpum sem öll þurfa að vera nemendur í 9. og/eða 10. bekk síns skóla. Tvö stigahæstu liðin í öðru sæti á landinu komast í úrslit Skólahreysti. Óskum nemendum innilega til hamingju með góðan árangur í Skólahreysti 2015.  

Símenntun vesturlands stendur fyrir námskeiði um gerð styrkumsókna. Námskeiðið fer fram í FSN miðvikudaginn 11. mars, kl. 13:00 - 16:00.  Nánari upplýsingar eru hér.   

Stofnaður hefur verið tímabundinn söfnunarreikningur fyrir fjölskyldu Guðrúnar Pálsdóttur sem varð bráðkvödd á heimili sínu 23.02.2015.   Með fyrir fram þökkum.    0321-13-110070   kt: 240775-5739    

Það nálgast hið stórkostlega KÚTMAGAKVÖLD Lionsklúbbs Grundarfjarðar.  Mikilfengleg matarveisla og stórkostleg skemmtun í Fjölbrautarskóla Snæfellinga laugardaginn 7. mars n.k.    

Bæjarstjórn Grundarfjarðarbæjar hefur ákveðið að fram fari heildarendurskoðun á aðalskipulagi Grundarfjarðarbæjar. Núverandi aðalskipulag rennur út 2015. Óskað er eftir hugmyndum bæjarbúa, hvernig þeir vilja sjá bæinn vaxa og dafna.   Senda skal hugmyndir á byggingarfulltrúa bygg@grundarfjordur.is fyrir 11. mars 2015.   Bæjarstjórinn í Grundarfjarðarbæ  

Á undanförnum árum hefur athyglisverður árangur náðst í umferðaröryggismálum. Það má þó aldrei slaka á þó vel hafi tekist til og því er mikilvægt að benda á tvö atriði sem tengjast öryggi barna okkar í umferðinni. Þrátt fyrir að nú sé daginn tekið að lengja er enn myrkur þegar börn á skólaaldri eru á ferðinni. Því er mikilvægt að nota endurskinsmerki á yfirhafnir, ekki síður hjá fullorðna fólkinu sem með því sýnir gott fordæmi. Sjónarhorn ökumanna er annað en gangandi og hjólandi vegfarenda þegar ferðast er um í myrkri. Ökumenn sjá ekki aðra vegfarendur úr fjarlægð nema að þeir noti ljós og/eða gott endurskin.   Þá er einnig þörf á að skerpa á reglum um að börn undir 150 cm. á hæð mega ekki sitja í framsæti bifreiðar sem búin er öryggispúða. Að sjálfsögðu eiga allir farþegar í bílum einnig að vera spenntir í belti, líka þegar farið er um stuttan veg.   Verum upplýst og örugg í umferðinni.