Fréttir & tilkynningar

Morgunsund hefst föstudaginn 22. maí nk. kl. 07:00-08:00.Opið verður fyrir morgunsund í næstu viku milli kl. 07:00-08:00 en þriðjudag og fimmtudag verður morgunsundið opið til kl. 10:00. Full opnun sundlaugar verður frá laugardeginum 24 maí nk. Opnunartími verður sem hér segir: Virkir dagar kr. 07:00-21:00.Helgar og lögbundnir frídagar kl. 10:00-18:00.  

    Nú er sumarið á næsta leyti og tími sumarnámskeiðanna að renna upp. Námskeiðin eru sem fyrr hugsuð fyrir elsta árgang leikskólans og yngri árganga grunnskólans. Námskeiðin eru fjölbreytt og vonandi að sem flestir finni eitthvað við sitt hæfi. Skráning á námskeiðin fer fram á bæjarskrifstofunni. Dagskrá Skráningareyðublað  

Útskriftarhátíð Fjölbrautaskóla Snæfellinga verður haldin föstudaginn 22. maí í  hátíðarsal skólans í Grundarfirði. Hátíðin hefst kl.15:00 og að henni lokinni verða kaffiveitingar í boði skólans.   Allir velunnarar skólans eru velkomnir. Skólameistari  

Grundarfjarðarbær óskar eftir tilboðum í umsjón með íþróttavelli Grundarfjarðar sumarið 2015.  

Grundarfjarðarbær auglýsir starf skólastjóra Grunnskóla Grundarfjarðar laust til umsóknar.  

Vortónleikar og skólaslit Tónlistarskólans í Grundarfirði verða haldnir sunnudaginn 17.maí n.k. kl 17:00 í sal FSN. Fjölbreytt og skemmtileg dagskrá.   Allir hjartanlega velkomnir.  

Götusópurinn verður í bænum næsta daga. Íbúar eru vinsamlegast beðnir um að auðvelda vinnu götusóparans og færa bíla sína.  

  Blóðbankabíllinn verður í Grundarfirði þriðjudaginn 5. maí við Samkaup-Úrval frá kl. 12-17.     Allir velkomnir.

Ný vefsíða Grundarfjarðarhafnar hefur nú litið dagsins ljós. Síðan er mjög aðgengileg og veitir góðar upplýsingar um höfnina.  Vefsíðan er “responsive” eins og það kallast en þá virkar hún jafnt í tölvum, spjaldtölvum og snjallsímum.   Vefsíðan verður í stöðugri vinnslu og endilega látið okkur vita um allt það sem betur má fara.  

Auglýsing um breytingu á aðalskipulagi Grundarfjarðar 2003-2015. Aðveitustöð – Aðalskipulagsbreyting   Bæjarstjórn Grundarfjarðarbæjar hefur samþykkt á fundi  20. mars 2015 að auglýsa  breytingu á aðalskipulagi Grundarfjarðar 2003-2015 samkvæmt 1. mgr.  31. gr. skipulagslaga nr. 123/2010. Meginmarkmið aðalskipulagsbreytingarinnar er að bæta afhendingaröryggi raforku á svæðinu með færslu tengivirkis í aðveitustöð og lagningu jarðstrengja, auk þess að færa aðveitustöðina fjær íbúðarbyggð. Markmiðið er einnig að breytingin valdi sem minnstri röskun á umhverfinu til lengri og skemmri tíma. Aðalskipulagsbreytingin verður aðgengileg á vef Grundarfjarðar, www.grundarfjordur.is og á skrifstofu skipulags- og byggingarfulltrúa, Borgarbraut 16 á skrifstofutíma frá 10-14 frá 29. apríl 2015 til 11. júní 2015 og eru þeir sem telja sig eiga hagsmuna að gæta eru hvattir til að kynna sér aðalskipulagsbreytinguna og koma ábendingum eða athugasemdum á framfæri, skriflega til skipulags- og byggingarfulltrúa Grundarfjarðar, Borgarbraut 16, 350 Grundarfjörður eða á netfangið bygg@grundarfjordur.is  í síðasta lagi 11. júní 2015. Skipulags- og byggingarfulltrúinn í Grundarfirði.   Aðalskipulagsbreytingu/tillögu er hægt að nálgast hér. Aðalskipulagsbreytingu/greinagerð er hægt að nálgast hér.