Fréttir & tilkynningar

91. fundur bæjarstjórnar Grundarfjarðar verður haldinn í Grunnskóla Grundarfjarðar, fimmtudaginn 10. apríl 2008, kl. 16.15. Hér má sjá fundarboð og dagskrá.

Dagana 7. - 9. apríl fer fram úttekt á stöðu sveitarfélaganna á Snæfellsnesi með tilliti til vottunar í Green Globe verkefninu.  Úttektarmaður er kominn um langan veg til þess að fara yfir stöðu mála hjá okkur.  Allir umhverfisþættir í viðkomandi sveitarfélögum eru skoðaðir ásamt ýmsum öryggisatriðum t.d. við hafnir.  Þetta á við um starfsemi sveitarfélaganna sjálfra og þjóðgarðsins.  Ennþá hafa fyrirtæki almennt ekki hafið þátttöku í Green Globe en vonast er til þess að það gerist á næstu árum.  Eitt fyrirtæki hefur þó þegar fengið vottun en það er Hótel Hellnar.  Forsvarsmenn Hótel Hellna voru frumkvöðlar að því að innleiða Green Globe verkefnið á Snæfellsnes. 

SAFT málþing verður haldið á 10 stöðum á landsbyggðinni og er markmiðið að ræða örugga og jákvæða netnotkun barna og unglinga á netinu og tengdum miðlum. Haldið verður málþing í Fjölbrautaskóla Snæfellinga í Grundarfirði 14. apríl nk. kl. 20.00 Hér má sjá auglýsingu. 

Hér má sjá landaðan afla í mars ásamt samanburðartölum.

Áheitahlaup í samstarfi. Ljósm. Gunnar K. Í  knattspyrnunni meðal iðkenda í frá 7. flokki og upp í 3 flokk, bæði í stráka og stelpnaflokkum,  er í gangi á Snæfellsnesi samstarf um þjálfun. Samstarfið nær til krakka sem búa í Stykkishólmi, Grundarfirði og Snæfellsbæ. Samstarf þetta hófst á síðasta ári og þótti ganga það vel að ákveðið var að halda því áfram. Þjálfun liða fer fram á hverjum stað en einnig sameiginlega. fréttatilkynning á vef Stykkishólmspóstsins

  Þriðjudaginn 1. apríl bauð Sigurður Heiðar Valgeirsson, nemandi í leikskólanum,  elstu börnunum  úr leikskólanum í heimsókn  út í hesthús til að skoða þrjú nýfædd lömb. Heimsóknin gekk mjög vel. Börnin sýndu mikinn áhuga á kindunum og afkvæmum þeirra. Krakkarnir fengu að gefa hey og leika sér í hlöðunni. Einnig  sáu þau hund og kött sem þeim fannst gaman að leika við.      

Bókasafnið býður upp á aðstoð við upplýsingaleit. Fjarnemar og aðrir sem vilja nýta sér aðstoðina eru hvattir til að kynna sér þjónustuna. Sjá meira á upplýsingasíðu bókasafnisns. 

Fyrir stuttu kom til starfa á skrifstofu Grundarfjarðarbæjar ungur byggingafræðingur, Jón Pétur Pétursson.  Jón Pétur er Grundfirðingur, sonur P. Guðráðs Péturssonar, sérkennara og ökukennara og Hjördísar Vilhjálmsdóttur, sérkennara.  Jón Pétur er verkefnaráðinn til þess að vinna að undirbúningi framkvæmda sem framundan eru vegna unglingalandsmótsins árið 2009.  Í æði mörg horn er að líta við þennan undirbúning. Sem dæmi má nefna að móta þarf svæði fyrir boltaleiki og leggja þarf gerviefni á brautir og stökksvæði íþróttavallarins..... 

  Mánudaginn 17. mars sl. afhenti Kvenfélagið Gleym mér ei Samkomuhúsinu í Grundarfirði 250 matardiska og 250 súpuskálar að gjöf.  Kvenfélagskonur gefa Samkomuhúsinu þennan búnað af því fé sem þær hafa safnað með margvíslegri sjálfboðavinnu.   

Vegna breytinga á símakerfi embættisins  eru númer þess í Grundarfirði eftirfarandi: Skrifstofan: 430-4128 Lögreglan: 430-4144 Skrifstofan að Hrannarstíg 2 er opin, eins og verið hefur, frá kl. 11:00 til kl. 15:00. Upplýsingar um netföng starfsmanna er að finna á síðunum http://www.syslumenn.is og http://www.logreglan.is   Sýslumaður Snæfellinga Ólafur K. Ólafsson