Fréttir & tilkynningar

Íbúar vinsamlegast mokið frá sorptunnum svo hægt sé að tæma þær.

 Spurt var hvenær leikskólinn Sólvellir opnaði og svarið er árið 1979.

Á haustdögum ákváðu blakkonur í UMFG að taka þátt í íslandsmótinu í blaki og vera þá í þriðju deild. Samtals eru 15 lið í þriðju deild kvenna sem gerir hana að þeirri stærstu af öllum deildunum á Íslandsmótinu. Þetta er í fyrsta skipti sem þessi deild hefur verið í blaki þar sem keppt er til Íslandsmeistaratitils en þátttakan var, og er, vonum framar.  Búið er að halda tvö mót af þremur og er spilamennskan búin að ganga það vel hjá okkar konum á þessum mótum að UMFG kemur til með að spila um 1 – 5 sæti og á mjög góða möguleika á að vinna deildina og koma heim með meistaratitil.  Síðasta mótið verður haldið í Ólafsvík 7 -8 mars. UMFG byrjar að spila á föstudagskv 7 mars kl: 20 við Reynir Hellisandi. Á laugardag  kl 09:00 lið úr norðurriðli. Kl 11:00 Víkingur Ólafsvík og síðasti leikurinn er kl 14:00 við Álftanes. Blakkonurnar vonast til að sjá sem flesta út í Ólafsvík til að styðja við bakið á sér og horfa á skemmtilegt blak Hér má sjá auglýsingu   KH.

„TónVest” kallast árlegt samstarfsverkefni tónlistarskólanna á Vesturlandi. Verkefnið hefur orðið viðameira með hverju árinu og er í ár að hluta til styrkt af MenningarráðiVesturlands. Völdum nemendum úr hverjum skóla hefur verið safnað saman til að æfa „Íslenska þjóðlagasvítu” sem sérstaklega er útsett af Marteini Markvoll, trompetleikara og kennara við Tónlistarskólann í Stykkishólmi. Verkið er síðan flutt í heimabæ allra tónlistarskólanna sem að Tónvest koma, og telur tónleikaröðin alls sex tónleika. 

Við minnum á söngæfingu í dag kl.17.15. Einnig minnum við á að spilað verður í samkomuhúsinu kl.16.00 fimmtudaginn 6.mars. 

Menningarráð Vesturlands hefur úthlutað styrkjum fyrir árið 2008. 133 styrkbeiðnir bárust Menningarráði um alls 105 milljónir. Úthlutað var 25.650 milljónum til 63 verkefna.

    Sjóræningjar stíga á land í Grundarfirði Það voru margvísleg ævintýrin sem urðu til á sagnanámskeiðum nemenda úr 5. og 6. bekk Grunnskóla Grundarfjarðar.  Sjóræningjar stigu á land í Grundarfirði og strákurinn sem enginn vildi vera með, bjargaði öllu og náði fjársjóðnum frá þeim. 

Bókasafn Grundarfjarðar er að taka inn nýjar bækur, hljóðbækur, tónlist með upplestri og fleira skemmtilegt. Sjá meira á myndasíðu bókasafnsins. Myndir bætast við eftir föngum.

Í fjárhagsáætlun Félags- og skólaþjónustu Snæfellinga fyrir árið 2008 er gert ráð fyrir því að félagsmálanefnd Snæfellinga geti varið allt að einni milljón króna til forvarnarmála.  Meðal annars er gert ráð fyrir vinnu við samræmda forvarnarstefnu fyrir börn og ungmenni á starfssvæði Félags- og skólaþjónustunnar.  Áhersla er lögð á fræðslu um heilbrigt líferni og forvarnir gegn vímuefnanotkun barna og ungmenna.  Rétt er fyrir alla sem starfa að æskulýðsmálum að gefa þessu framtaki félagsmálanefndarinnar gaum og kanna möguleika á styrkjum til góðra verka.   Hér má sjá fréttatilkynningu vegna forvarnarmála frá Félags- og skólaþjónustu Snæfellinga.

 Bætingarmót HSH í frjálsum íþróttum var haldið í Grundarfirði laugardaginn 23. febrúar.  Keppendur voru á aldrinum 11 ára og eldri og mættu keppendur frá UMFG, Snæfelli og Staðarsveit.