Fréttir & tilkynningar

Á nýliðnu ári voru 453 fréttir, þar af nokkrar tilkynningar með takmarkaðan líftíma, skrifaðar hér á vef Grundarfjarðarbæjar. Af þessum fréttum voru um 50 skrifaðar af Ungmennafélagi Grundarfjarðar. Þetta eru um 8,7 fréttir að meðaltali í hverri viku og hefur því verið skrifuð um 1,8 frétt á dag hvern virkan dag ársins. Innlit og umferð á bæjarvefnum jókst til muna á árinu 2005, frá fyrra ári. Notendum bæjarvefs er bent á að hægt er að senda fyrirspurnir beint í gegnum vefinn (neðst á forsíðu). Allar ábendingar um efni og útlit bæjarvefs eru vel þegnar.  

Á síðasta virka degi ársins 30. desember 2005 var fimm fyrirtækjum í Grundarfirði veitt viðurkenning fyrir góða umgengni um fasteignir og umhverfi sitt. Það var skipulags- og byggingarfulltrúi sem sendi fyrirtækjunum viðurkenningar fyrir hönd umhverfisnefndar bæjarins.   Þessir aðilar eru: Farsæll hf., Sólvöllum 16 FISK Seafood hf., við Nesveg Grundarfjarðarhöfn Guðmundur Runólfsson hf. Sólvöllum 2 Soffanías Cecilsson hf., Borgarbraut 1  

Fjöldi manns var mættur á stóru bryggjuna í Grundarfirði fyrir birtingu um kl. 10 á gamlársdagsmorgun þegar Hringur SH 153 nýtt togskip Guðmundar Runólfssonar hf. renndi upp að bryggjukantinum. Þar sem það var gamlársdagur þótti tilhlýðilegt að taka á móti því með flugeldasýningu.   Gunnar Kristjánsson fréttaritari Morgunblaðsins í Grundarfirði ritaði þessa frétt á mbl.is 31.12.2005.   Landfestar gerðar klárar við fyrstu komu í heimahöfn. Ljósm. Gunnar Kr.

  Verum börnunum okkar góð fyrirmyndGleðjumst með börnunum okkar um áramótinGætum barnannaLeyfum ekki eftirlitslaus partý   Íþrótta- og tómstundanefnd

Flugeldasala björgunarsveitarinnar Klakks verður opin í dag föstudag frá kl. 16:00 til kl. 21:00 og á morgun gamlársdag frá kl. 10:00 til 15:00.   Eru Grundfirðingar sem og aðrir hvattir til að kaupa flugelda frá björgunarsveitunum og styrkja þannig gott málefni og jafnframt hjálpa til við að byggja upp öfluga björgunarsveitir á landinu.    

Áramótabrenna verður tendruð á Breiðinni við Rif að kvöldi 31. des. kl. 20:30. Björgunarsveitirnar í Snæfellsbæ sjá um stórkostlega flugeldasýningu.   Ef veður er vont er hægt að fara inn á vef Snæfellsbæjar til að athuga hvort brennunni hafi verið frestað. 

Í dag verður hin bráðskemmtilega fjölskyldumynd um félagana Wallace og Gromit sýnd í Ólafsvíkurbíói (Félagsheimilinu Klifi). Sýningin hefst kl. 16:00.  Aðgangseyrir er kr. 600.-   

Sendum Grundfirðingum og öðrum lesendum bæjarvefjarins hugheilar óskir um gleðilega jólahátíð.     

Íbúum í Grundarfirði fjölgaði um 36 einstaklinga frá 1. desember 2004 til 1. desember 2005. Fjöldi Grundfirðinga er því kominn í 974. Þetta er tæp 4% fjölgun á einu ári. Fjölgun á vesturlandinu öllu var rétt rúmlega 3% en fjölgun á landinu öllu rétt rúm 2%.

Opið milli hátíðanna nema á annan í jólum. Við óskum viðskiptavinum bókasafnsins og Grundfirðingum öllum gleðilegra jóla og velfarnaðar á nýju ári og þökkum fyrir góð samskipti. Sunna, Salbjörg og Guðbjörg Hr. Jólabók að láni á bókasafninu