Fréttir & tilkynningar

    Grunnskóla Grundarfjarðar var slitið í síðustu viku og voru við það tækifæri sextán nemendur útskrifaðir frá skólanum við hátíðlega stund. Nemendur tíunda bekkjar voru kvaddir með blómum og ræðum auk þess sem viðurkenningar voru veittar til þeirra sem sköruðu fram úr á hinum ýmsu sviðum. Þessu glæsilega unga fólki eru færðar kveðjur og hamingjuóskir frá Grundarfjarðarbæ og megi þeim farnast vel um alla framtíð.    

Þessi köttur er í óskilum hjá Áhaldahúsinu. Eigandi er beðinn um að vitja hans þar eða hringja í síma 691-4343.      

    Sunnudaginn 5. Júní, á sjómannadaginn, verður opnuð sýning á verkum frönsku listakonunnar Josée Conan í Sögumiðstöðinni í Grundarfirði. Sýningin hefst klukkan 17:00 og verður listakonan viðstödd opnunina ásamt eiginmanni sínum.  

    Sumarnámskeið Grundarfjarðarbæjar hefjast mánudaginn 6. júní og verða í boði fyrir börn fædd 2004-2010. Námskeiðin verða í þrjár vikur í júní og tvær vikur í ágúst.   

Kvennahlaup ÍSÍ verður haldið 4. júní kl 11 og farið verður frá íþróttahúsinu. Vegalengdir eru eftir því sem hverjum hentar en gengið/rölt/skokkað/hlaupið í góðum félagsskap í c.a. 30 - 45 mín.   Hægt er að nálgast boli hjá Kristínu H. S: 8993043 en verðið er 2000 kr fyrir 13 ára og eldri en 1500 fyrir 12 ára og yngri.    Grundarfjarðarbær býður svo fótfráum skvísum og fótliprum ömmum í sund á eftir.   

Borgarbókasafnið hefur séð um Bókaverðlaunum barnanna í fimmtán ár og fá höfundar og þýðandi verðlaun á Sumardaginn fyrsta. Börn í 1.-6. bekk Grunnskóla Grundarfjarðar tóku þátt í Bókaverðlaunum barnanna í vetur með því að velja uppáhaldsbók ársins 2016.     Dregið var um viðurkenningar í grillveislu í grunnskólanum 30.maí og hlutu Sólveig Stefanía Bjarnadóttir og Kristján Freyr Tómasson viðurkenninguna að þessu sinni.   Við Þórdís á skólabókasafninu óskum þeim til hamingju og þökkum öllum sem tóku þátt. Sunna á bókasafninu í Sögumiðstöðinni.     Meira um bækurnar sem unnu.    

    Mikil vinna hefur verið lögð í breytingar á Sundlaug Grundarfjarðar að undanförnu og útkoman virkilega góð. Gústav Ívarsson húsasmíðameistari sá um verkið ásamt fleiri góðum fyrirtækjum í undirverktöku, svo sem GG Lögnum, Suðu ehf. og Taugum ehf.   Nú er bara að vonast eftir að veðrið fari að ganga niður svo bæjarbúar geti notið sín í sundi, pottum og nýju fínu vaðlauginni.    

      Sjómannadagsráð Grundarfjarðar hefur lokið við gerð dagskrár fyrir sjómannadaginn í ár og verður þer heilmargt skemmtilegt og spennandi í boði. Það verður fullt af sprelli, tónlist, mat og annarri menningu auk þess sem gjaldfrjálst verður í Sundlaug Grundarfjarðar um sjómannadagshelgina.   Smellið hér til að skoða dagrkrána.  

  Þessir eldhressu dugnaðarforkar skelltu sér í heilsubótargöngu með léttum æfingum.   Hreyfivikan fór vel af stað og góð mæting var í viðburði mánudags og þriðjudags auk göngunnar í gær, miðvikudag. Eftir það hefur veðrið sett heldur betur strik í reikninginn hér í Grundarfirði og hver viðburðurinn af öðrum fallið niður.  

    Sundlaugin er lokuð í dag vegna veðurs og því fellur niður vatnsleikfimin sem átti að vera klukkan 14:00 í dag.    Göngu Ferðafélagsins að Hrafnafossum í Hrafnkelsstaðabotni verður frestað. Gangan verður auglýst síðar.   Í dag verður hins vegar bjöllutími í sal hjá Ragnari og Ásgeiri. Endilega skráið ykkur sem fyrst hjá Þóreyju í síma 892 7917 eða á facebook; Þórey Ásgeir.