Fréttir & tilkynningar

Nú er fyrsta keppnisdegi hjá liðum UMFG á öldungamótinu í blaki lokið.  Konurnar stóðu sig með prýði í og unnu bæði lið Þróttar N og Röstina. Þær töpuðu svo síðasta leiknum í dag en hann var á móti ÍK. UMFG konurnar eiga leik á laugardagsmorgun kl 8:00 í Ólafsvík og kl 23:45 spila þær við Víking Ó hér í Grundarfirði.

West SideStory Ásamt sígildum popplögum Og Vínartónlist   Stjórnandi er Jón Karl Einarsson  

Í morgun, 28. apríl, hófst 31. Öldungamót BLÍ. Snæfellsbær heldur mótið að þessu sinni en einnig er spilað í íþróttahúsinu hér í Grundarfirði. 95 lið eru skráð til keppni og má því ætla að um þúsund manns sæki Snæfellsnes um helgina. Sundlaugin verður lokuð í dag, föstudag, og á morgun, laugardag, þar sem búningsherbergin í íþróttahúsi og sundlaug leyfa ekki meiri fjölda fólks en fylgir blakmótinu. Sundlaugin verður opin á sunnudag.   Grundarfjarðarvefurinn hvetur íbúa til þess að kíkja í íþróttahúsið og fylgjast með leikjum keppninnar! 

Kæru foreldrar og aðstandendur! Næsti fundur fyrir Grundarfjörð og Stykkishólm verður haldinn í kvöld, fimmtudag 27. apríl, kl. 20:30 í safnaðarheimili Grundarfjarðarkirkju. Nánari upplýsingar veitir Vigdís Gunnarsdóttir félagsráðgjafi í s: 891-7804.   Félags- og skólaþjónusta Snæfellinga 

Þann 20. apríl sl. komu nokkrir Frakkar í heimsókn til Grundarfjarðar. Þau eru skipuleggjendur siglingakeppninnar Skippers D’Islande sem farin verður í júní-júlí á þessu ári. Heimsókn Frakkanna var liður í undirbúningi keppninnar og voru skoðaðar aðstæður í Grundarfjarðarhöfn og -bæ.  

68. fundur bæjarstjórnar Grundarfjarðar verður haldinn í dag,  fimmtud. 27. apríl, kl. 17.00 í Grunnskólanum. Á dagskrá eru meðal annars fyrri umræða ársreiknings bæjarsjóðs og stofnana 2005,  fundargerðir nefnda og ráða, tillaga um tímabundna inntöku yngri barna í leikskólann, breytingar á samþykktum bæjarins um stjórn og fundarsköp, tilboð í Sæból 33-35, erindi stjórnar Félags eldri borgara um húsnæðismál og ýmis gögn til kynningar. Fundurinn er öllum opinn.   Bæjarstjóri 

Vinna við landfyllingu í höfninni gengur vel. Búið er að hlaða hluta sjóvarnargarðs við suðurhlið fyllingarinnar. Garðurinn verður 145 m og er um það bil lokið við 1/3 hans.        

1-3. bekkur og 8-9. bekkur Grunnskóla Grundarfjarðar tóku að sér ruslahreinsun í bænum í dag undir stjórn verkstjóra áhaldahúss. Björg Ágústsdóttir bæjarstjóri ræddi einnig við nemendur 3. bekkjar um umhverfismál.   Nokkrir nemendur 3. bekkur í ruslatínslu í dag

Dagur umhverfisins er haldinn 25. apríl ár hvert en þann dag fæddist Sveinn Pálsson, fyrsti íslenski náttúrufræðingurinn, árið 1762. Dagur umhverfisins er að þessu sinni tileinkaður endurnýtingu og er fólk hvatt til að flokka, skila og endurnýta.  

Grundarfjörður var með kaupstaðarréttindi í 50 ár frá 1786 til 1836. Þessa vikuna tóku 67 þátt og voru 19 eða 28% með rétt svar.