Fréttir & tilkynningar

Bæjarhátíðin "Á Góðri Stund" sem haldin var um helgina tókst í alla staði frábærlega.  Veðrið var að mestu leyti afar gott þótt hitastigið væri ekki alltaf hátt.  Skemmtiatriði og önnur atriði hátíðarinnar tókust afbragðs vel og voru rómuð af gestum hátíðarinnar.    Framkvæmdastjóri hátíðarinnar, Baldur Orri Rafnsson, segir að hátíðin hafi gengið eins og áætlað var og að öll atriði hafi heppnast fullkomlega.  Baldur var á þönum alla daga hátíðarinnar og unni sér ekki hvíldar.  Ástæða er til þess að þakka Baldri fyrir frábær störf við undirbúning og framkvæmd hátíðarinnar.  Starfsmenn Grundarfjarðarbæjar sáu um hreinsun bæjarins meðan á hátíðinni stóð og eftir að henni lauk alla dagana og stóðu þeir sig með mikilli prýði og eiga þökk skilið.  Bærinn var hreinn og snyrtilegur á hverjum morgni og ekki að sjá að þrjú þúsund manns hefðu verið á samkomu þar kvöldið áður.  Nánast allir gestir hátiðarinnar voru sjálfum sér og hátiðinni til mikils sóma.  Á því voru aðeins örfáar undantekningar sem reyndar snertu sjálf hátíðarhöldin ekkert.   Á næstu dögum koma skemmtilegar myndir frá hátíðinni á heimasíðu bæjarins.

Bæjarhátíðin "Á Góðri Stund" hófst formlega í gær í blíðskaparveðri.  Raunar má segja að hátíðin hafi í raun byrjað á fimmtudaginn með skreytingum hverfanna og stórkostlegum tónleikum með stórsveit og Bjarna Ara og Ragga Bjarna þar sem hátt í eitt þúsund manns voru saman komin.  Margt var á dagskránni í gær og gestir og heimamenn skemmtu sér hið besta.  Örlitlar regnskúrir gerði í gærkvöldi sem þó trufluðu hátíðahöldin lítið.  Í morgun vöknuðu hátíðargestir og heimamenn í sólskini og afskaplega fallegu veðri.  Dagskráin í dag er bókstaflega yfirfull af skemmtilegum atriðum og hápunkturinn verður í kvöld með skrúðgöngum í litunum fjórum og skemmtun á bryggjunni.  Þegar eru hafin víðavangshlaup, útsýnishlaup, dorgveiði og sögustund fyrir börnin og innan skamms hefst súpusala Lions.  Mikill fjöldi fólks er þegar kominn á hátíðarsvæðin til þess að njóta og taka þátt í þessum atriðum. 

Staðsetning á öllum viðburðum sem gerast áttu á íþróttavelli hafa verið færðir á sparkvöll sem er fyrir ofan sundlaug. Fjölskylduleikir, fimleikasýning, brekkusöngur og víðavangshlaup hafa verið færðir s.s. á sparkvöll fyrir ofan sundlaug.

  N.k. laugardag, 25. júlí n.k. kl. 14.00 verða opnaðar nýjar sýningar í Norska húsinu í Stykkishólmi.

Bókasafnið hefur tvisvar flutt sig um set síðustu tólf árin. Nú er búið að setja inn myndir af flutningi úr grunnskólanum yfir götuna að Fögrubrekku eða Borgarbraut 18, byggingu Smiðjunnar að Borgarbraut 16 og flutningi bókasafnsins yfir bílaplanið 2001. Bráðum koma svo myndir af byggingu Dvalarheimilisins og kirkjunnar. Fylgist með.   Gleðilega hátíð á góðri stund.   

Breytingar hafa verið gerðar á gjaldskrá tjaldsvæðis Grundarfjarðar. Nýja gjaldskrá er að finna hér. 

Ungmennafélag Grundarfjarðar ætlar að fara um bæinn næstkomandi þriðjudag og safna dósum. Mæting er hjá Ragnar og Ásgeir kl 17 á þriðjudaginn.   kv UMFG 

Hér má sjá boðskort á opnun tveggja sýninga í Norska húsinu. 

12. unglingalandsmót UMFÍ verður á Sauðárkróki um verslunarmannahelgina. Mótshaldarar hafa gert breytingu á skráningarfresti mótsins sem þýðir að HSH getur ekki tekið við skráningum eftir sunnudaginn 26. júlí. Skránignar verða að berast á netfangið hsh@hsh.is  Nú þegar hafa um 70 börn frá HSH skráð sig á mótið.  Munið að skráning verður að berast í síðasta lagi sunnudaginn 26. júlí n.k.  

    Hún er ótrúleg veðurblíðan sem leikur um okkur þessa dagana. Brakandi blíða var alla helgina og flykktust ferðalangar á tjaldsvæði bæjarins og lífguðu upp á bæjarlífið. Nýja sundlaugin var vel nýtt því metaðsókn var í hana um helgina. Á föstudeginum voru gestir laugarinnar 170, á laugardag 278 gestir og á sunnudag 182 gestir