Fréttir & tilkynningar

Sunnudaginn 24. maí verður haldinn hátíðlegur hinn árlegi dagur barnsins. Tilgangur þessa dags er að hvetja foreldra til samveru með börnum sínum og að styrkja hugmyndir um fjölskylduvænt samfélag og jafnvægi milli vinnu og fjölskyldulífs. Verndari dagsins er frú Dorrit Moussaieff, forsetafrú Íslands. Frekari upplýsingar er að finna á vefsíðunni: dagurbarnsins.is   Hér í Grundarfirði er skemmtileg og spennandi dagskrá: 13:00 – 14:30 Sandkastalakeppni  í fjörunni við Kvíabryggju. 13:30 – 14:30 Fjöruferð og sandahlaup á sama stað. 15:30 – 17:00 Lautarferð og leikir í Torfabót. Mætið með teppi. 16:00 – 17:00 Flugdrekakeppni   í Torfabót.   Þessir atburðir eru í umsjón UMFG og foreldrafélags leikskólans. Allir eru þeir skipulagðir sem samverustund fyrir foreldra og börn.  

Útskriftarhátíð Fjölbrautaskóla Snæfellinga 23. maí 2009 Útskriftarhátíð Fjölbrautaskóla Snæfellinga verður haldin laugardaginn 23. maí 2009 í hátíðarsal skólans. Hátíðin hefst kl. 14:00 og að henni lokinni verða kaffiveitingar í boði skólans. Allir velunnarar skólans eru velkomnir.  

MS Fram var smíðað í Noregi árið 2007 og er sérhannað til siglinga í norðurhöfum. Innréttingar eru að miklu leyti gerðar úr ull, leðri og eik og gefur það skipinu norrænt yfirbragð. Skipið er nefnt eftir skipi hins fræga norska ævintýramanns Friþtjof Nansen, sem stóð fyrir mörgum könnunarleiðöngrum um norðurheimskautið á landi og á sjó. Skipið er 110 metrar á lengd, 12.700 tonn og ber 382 farþega sem í þetta skiptið verða flestir bandarískir. MS Fram kemur til Grundarfjarðar frá Reykjavík föstudaginn 22. maí og verður frá 8:00 – 15:00. Héðan er förinni heitið til Grænlands.

Á fundi bæjarstjórnar Grundarfjarðarbæjar þ. 19.  maí sl. voru ársreikningar 2008 fyrir bæjarsjóð og stofnanir bæjarins afgreiddir eftir síðari umræðu.  Afkoma bæjarsjóðsins var slæm á síðasta ári.  Reksturinn varð þyngri en fjárhagsáætlun gerði ráð fyrir og má rekja ástæðu þess að miklu leyti til hækkaðs launakostnaðar vegna breytinga á kjarasamningum og óðaverðbólgu.  Í sjóðstreymi kom fram að handbært fé frá rekstri varð rúmlega 80 milljón krónur en það dugði skammt þegar kom að fjármagnsgjöldunum.

Bæjarstjórnarfundurinn sem átti að vera í dag kl.16.15 verður flýtt og hefst hann kl.14.30 í dag í samkomuhúsinu.  

Foreldrafélag Grunnskóla Grundarfjarðar verður með Bingó í Samkomuhúsinu á fimmtudaginn 21. maí (uppstigningardag) kl.14.00. Veglegir vinningar verða í boði. Allir velkomnir.

Kallað eftir styrkumsóknum og tilnefningum vegna umhverfisviðurkenningar.   Umhverfissjóður Snæfellsness mun úthluta styrkjum úr sjóðnum í Vatnasafninu í Stykkishólmi á alþjóðlegum degi umhverfisins þann 5. júní 2009. Markmið umhverfissjóðsins er að styrkja ýmis verkefni í umhverfis- og samfélagsmálum sem byggð eru á grunni sjálfbærrar þróunar í sveitarfélögunum fimm á Snæfellsnesi. 

Leikjanámskeið 25. maí til 17. júní 2009   Fyrir 1-6 ára (fyrir þau sem voru í leikskóla í vetur) mánudaga og miðvikudaga kl 16.15-17.00. 1-4 ára þurfa að vera í fylgd með fullorðnum (12 ára eða eldri)   Fyrir 6-10 ára (fyrir þau sem voru í 1 - 4 bekk í vetur) mánud, þriðjud og miðvikudaga kl 12.30-14.30.

Skólaslit og vortónleikar tónlistarskólans verða í sal fjölbrautaskólans þriðjudaginn 19.maí kl.17.00. Allir velkomnir. Minnum á innritun fyrir næsta skólaár sem stendur til 20.maí n.k.  

Félags- og skóla þjónusta Snæfellinga kynnir breytingar á viðverudögum þjónustufulltrúa og nýtt aðsetur.   Hér má finna nánari upplýsingar.