Fréttir & tilkynningar

Hljómsveitin Feik frá Grundarfirði mun spila á Classic Rock, Ármúla 5 í Reykjavík, föstudagskvöldið 28. og laugardagskvöldið 29. október n.k. frá kl. 23:00 til kl. 03:00 bæði kvöldin. Aðgangseyrir er 500 kr. Allir Grundfirðingar, bæði heimamenn og brottfluttir, eru hvattir til að mæta á þessa einstöku hátíð!

Föstu­daginn 21. október sl. opnaði sam­göngu­ráð­herra formlega nýjan veg um Kolgrafafjörð.   Sturla Böðvarsson samgönguráðherra klippir á borðann ásamt Jóni Rögnvaldssyni vegamálastjóra. Mynd: G. Kristj. Verkið var boðið út í febrúar 2003. Samið var við Háfell ehf. og Eykt ehf. um verkið og hófust framkvæmdir í lok apríl 2003. Vegurinn var lagður bundnu slitlagi og opnaður fyrir umferð haustið 2004 sem var 6 mánuðum á undan áætlun. Verktakinn lauk síðan við sinn hluta verksins sl. sumar.  

Konur í Grundarfirði héldu kvennafrídag í gær eins og stöllur þeirra víða um land, í fallegu og björtu veðri. Um 220 konur, á öllum aldri, skunduðu í samkomuhúsið þar sem undirbúningshópur hafði skipulagt dagskrá og kaffisamsæti.   Samkomuhúsið var þétt setið á kvennafrídaginn. Mynd HJJ.  

Föstudaginn 21. október sl. var fyrsta steypa í viðbyggingu leikskólans. Steyptir voru allir sökklar hússins í einu lagi, og var steypumagnið áætlað á annan tug rúmmetra. Það er Trésmiðja Guðmundar Friðrikss ehf. sem annast verkið. Sjá á meðfylgjandi myndum.  

Í dag halda konur víðsvegar um landið kvennafrídag. Þrjátíu ár eru liðin frá Kvennafrídeginum fræga þann 24. október 1975, þegar konur í tugþúsundavís lögðu niður störf. Tilgangurinn þá var að sýna fram á mikilvægt framlag kvenna í atvinnulífinu og samfélaginu í heild. Konur vildu á þeim tíma undirstrika að þær væru ekki varavinnuafl.  

Eins og glöggir lesendur Grundarfjarðarvefsins hafa tekið eftir, þá er „veðrið þessa stundina” sem birt er á forsíðunni hreinlega ekki veðrið þessa stundina, heldur veðurlýsing fyrir löngu liðna stund.  

Staðan í hópleik getraunastarfs UMFG. EÝ 1825 heldur forustunni og Sætir í öðru sæti og Bræðurnir í því þriðja. Stöðu allra hópanna má sjá hér fyrir neðan ásamt gengi þeirra um helgina.  

Í dag kl 12:30 er síðasti leikur ársins á Grundarfjarðarvelli. 3.fl UMFG tekur á móti IA. Ekki hefur áður verið leikið fyrsta vetrardag á Grundarfjarðarvelli. Mætum á völlinn í góða veðrinu og hvetjum strákana okkar til sigurs. Þetta er þriðji leikur þeirra á Faxaflóamótinu og hafa þeir tapað einum og unnið einn. Allir á völlinn !

Sr. Elínborg Sturludóttir er í veikindaleyfi og mun verða um óákveðinn tíma. Á meðan mun prófasturinn í Snæfells- og Dalaprófastdæmi, sr. Gunnar E. Hauksson í Stykkishólmi, hafa umsjón með afleysingum. Sími sr. Gunnars er 4381632

Rökkurdagar, menningarhátíð Grundfirðinga, var formlega sett í gærkvöldi við opnun myndlistarsýningar Svövu K. Egilson sem sýnir textílverk í Eyrbyggju - sögumiðstöð. Dagskrá hátíðarinnar er fjölbreytt: leiklist, myndlist, tónlist af ýmsum toga, kvikmyndir, uppistand, sagnalist,  upplestur og margvísleg önnur afþreying í bland.