Fréttir & tilkynningar

    Tvö sumarnámskeið verða haldin eftir verslunarmannahelgi fyrir börn fædd 2005-2011. Fyrra námskeiðið verður dagana 8.-11. ágúst og það síðara 14.-18. ágúst. Skráningareyðublöð fyrir námskeiðin má nálgast hér eða á skrifstofu Grundarfjarðarbæjar.    

Íbúð fyrir eldri borgara að Hrannarstíg 18 er laus til umsóknar. Um er að ræða leiguíbúð með búseturétti og 20% hlutareign. Íbúðin er tveggja herbergja, 57,5 ferm.   Nánari upplýsingar eru veittar á bæjarskrifstofu í síma 430 8500.   Sjá nánar reglur vegna úthlutunar íbúða fyrir eldri borgara. Sótt er um með því að fylla út umsóknarform hér fyrir neðan.   Umsóknarfrestur er til 15. ágúst 2017.   Reglur vegna úthlutunar íbúða fyrir eldri borgara   Umsóknareyðublað    

     Grundarfjarðarbær efnir nú til ljósmyndasamkeppni í áttunda sinn, árið 2017. Þema keppninnar í ár er veður. Myndirnar verða að vera teknar innan sveitarfélagsmarka á tímabilinu janúar til nóvember 2017 og má hver þátttakandi senda inn að hámarki fimm myndir.   

     Malbikunarframkvæmdir hófust í Grundarfjarðarbæ í gær en þá var Sæbólið malbikað og er nú orðið eins og fínasta breiðgata. Í dag eru starfsmenn Kraftfags mættir við sundlaugina með vinnuvélarnar til að malbika planið fyrir framan og niður fyrir húsið, að Líkamsræktinni og Tónlistarskólanum. Að framkvæmdum loknum við sundlaug og íþróttahús verður gatan við verbúðir Soffaníasar Cecilssonar malbikuð.

    Þessi flottu systkin, Aron Leví og Klara Dögg Tryggvabörn, héldu tombólu til að safna fyrir vatnsrennibraut í Sundlaug Grundarfjarðar. Alls söfnuðu þau 4.110 krónum og stendur nú sjóðurinn í 130.000 krónum. Klara Dögg og Aron Leví fóru í gegnum dótið sitt og völdu úr því það sem fara mátti á tombóluna. Þeim fannst það ekkert svo erfitt. Það hafi hins vegar tekið dálítið á að standa svona lengi fyrir utan Samkaup til að selja dótið. Flottur árangur hjá þessum ungu dugnaðarforkum og þakkar Grundarfjarðarbær þeim fyrir styrkinn.    

Íbúar Sæbóls eru beðnir um að færa bíla sína fyrir götusópun á sunnudagskvöld og malbikun á mánudagsmorgun.  

    Það var mikið um að vera í Grundarfirði í gær, 27. júlí, þegar þrjú skemmtiferðaskip voru í höfninni og bæjarhátíðin Á góðri stund í startholunum. Fjöldi farþega og áhafnameðlima skipanna voru hátt í fimmþúsund manns og auk þess hefur töluvert fjölgað á tjaldsvæðum bæjarins í tilefni af hátíðinni.    

Leikskólinn Sólvellir óskar eftir að ráða starfsmann til að annast ræstingar leikskólans og jafnframt afleysingu á deildum skólans. Vinnutími er kl. 9:00-17:00. Leitað er að starfsmanni sem býr yfir skipulagshæfni, snyrtimennsku og sjálfstæði í vinnubrögðum, auk hæfni í mannlegum samskiptum.   Launakjör eru samkvæmt kjarasamningi Sambands íslenskra sveitarfélaga við Starfsmannafélag Dala- og Snæfellsness. Gerð er krafa um hreint sakarvottorð.   Ráðið er í starfið frá 8. ágúst 2017.   Umsóknarfrestur er til 4. ágúst nk.   Sótt er um hér!   Nánari upplýsingar um starfið veita Anna Rafnsdóttir, leikskólastjóri, í síma 861 4443 og Ingibjörg Þórarinsdóttir, aðstoðar­leikskólastjóri, í síma 840 6111.  

Leikskólinn Sólvellir hefur tekið í notkun nýtt samskiptakerfi sem sniðið er að þörfum og starfsemi leikskóla. Leikskólakerfið Karellen einfaldar starfsfólki leikskóla starfið og eykur möguleika á samskiptum við foreldra. Ennfremur er heimasíða innifalin í Karellen og var hún opnuð í vikunni. Slóðin er enn sem fyrr: solvellir.grundarfjordur.is en heimasíðan er ný. Ennfremur má kynna sér Karellen kerfið á slóðinni, mykarellen.is  

Félags-og skólaþjónusta Snæfellinga auglýsir eftir starsfólki í félagslega heimaþjónustu.   Sjá nánar hér