Fréttir & tilkynningar

Fyrsta hreinsunarátak ársins. Munum að taka til hendinni í görðum og umhverfi okkar og setja rusl í pokum út fyrir lóðamörk. Verður hirt á mánudaginn. Gerum bæinn snyrtilegan fyrir páskana!  

Tekjur og gjöld Í fjárhagsáætlun Grundarfjarðarbæjar fyrir árið 2005 er gert ráð fyrir að heildartekjur bæjarsjóðs og fyrirtækja bæjarins (hafnarsjóður, félagslegar íbúðir, vatnsveita/fráveita/sorp) verði 434 millj. kr. Tekjur bæjarsjóðs eins eru rúmar 305 millj. en þar af eru útsvarstekjur áætlaðar 183,6 millj. kr., framlög úr Jöfnunarsjóði sveitarfélaga áætluð um 95 millj. kr. og fasteignaskattar og lóðarleiga rúmar 26 millj. kr.   

Það vorar snemma þetta árið! Undan snjónum kemur ýmislegt, s.s. rusl og drasl í görðum og á opnum svæðum. Og þá er ekkert annað að gera en að hefja vorverkin. Í síðustu viku fór her unglinga úr 9. bekk um þéttbýlið í hreinsunarferð fyrir Grundarfjarðarbæ og var það um leið fjáröflunarferð vegna væntanlegrar Frakklandsferðar. Krakkarnir skiptu með sér hverfum og náðu að safna töluverðu magni af rusli af götum, gangstéttum og opnum svæðum. Ætlunin er að taka sérstaklega vel á því í hreinsun og snyrtimennsku í sumar og nú er komið að fyrstu skipulögðu hreinsunarferðinni. Tökum næstu daga í að hreinsa garða og umhverfi okkar og gerum bæinn snyrtilegan fyrir páskana!  

58. stjórnarfundur Eyrbyggja 15.mars 2005  kl 20:00 í Lágmúla 6, í Reykjavík.   Viðstaddir: Bjarni Júlíusson, Ásthildur Elva Kristjánsdóttir, Benedikt Ívarsson

  Stærðfræðikeppni grunnskóla á Vesturlandi   Úrslit stærðfræðikeppninnar á Vesturlandi voru gerð kunn í Fjölbrautaskóla Vesturlands síðastliðinn laugardag.  Þrír nemendur frá Grunnskóla Grundarfjarðar náðu þeim árangri að vera meðal 10 efstu í sínum árgangi.  Hér fylgja nöfn þessara nemenda og sætin sem þau lentu í:  

Verkefnið „Tónlist fyrir alla“ er orðið vel þekkt en ár hvert eru valdir tónlistarmenn sem koma í skóla landsins með tónlistardagskrá.  Í gærmorgun fékk Grunnskóli Grundarfjarðar Sigrúnu Hjálmtýsdóttur, söngkonu og Önnu Guðnýju Guðmundsdóttur, píanóleikara í heimsókn og voru þær með skemmtilega dagskrá í kirkjunni fyrir nemendur skólans. Ekki var hægt að sjá annað en allir hafi skemmt sér vel enda um frábæran flutning að ræða hjá þeim stöllum.  Hér fylgja myndir af  tónleikunum:   Diddú og Anna Guðný

Foreldrafélag leikskólans var með páskaföndur í leikskólanum laugardaginn 12. mars sl. Búnar voru til páskakanínur úr blómapottum og vattkúlum.   Ágústa Hrönn að búa til páskakanínu með dyggri aðstoð móður sinnar, Helenu Maríu

Von er á 10 skemmtiferðaskipum sumarið 2005 til Grundarfjarðar. Á síðasta ári lögðust 13 skemmtiferðaskip að bryggju í Grundarfjarðarhöfn. Heildarstærð skipanna í ár er þó sú sama og í fyrra, en hafnargjöld og tekjur hafnarinnar af slíkum skipum miðast við stærð (rúmlestir) skipanna.   Skemmtiferðaskip í Grundarfjarðarhöfn í júlí 2004   

NORA, Norræna Atlantsnefndin, hefur auglýst eftir umsóknum um styrki til samstarfsverkefna á milli Íslands og hinna NORA landanna þ.e. Grænlands, Færeyja og í strandhéruðum vestur og norður  Noregs. Umsóknarfrestur er til 1. apríl næstkomandi.

Bæjarstjórnarfundur verður haldinn fimmtudaginn 10. mars kl. 17.00 í samkomuhúsinu. Á dagskrá eru fundargerðir bæjarráðs, íþrótta- og tómstundanefndar, umhverfisnefnar og hitaveitunefndar, seinni umræða 3ja ára fjárhagsáætlunar, tillaga um heimild til lántöku, tillaga um breytingar á samþykkt um kattahald, tillaga að gjaldskrá fyrir búfjáreftirlit og erindi um íbúðir fyrir eldri borgara auk annarra gagna til kynningar.   Bæjarstjóri